پیٹرول، ڈیزل کی قیمتوں میں مسلسل دوسرے دن بھی کٹوتی: یہاں جانیں نئی قیمتیں

پٹرول-ڈیزل کی قیمتوں میں جمعہ کو مسلسل دوسرے دن بھی کمی واقع رہی اور قومی راجدھانی دہلی میں پیٹرول 10 ہفتے اور ڈیزل چھ ہفتے سے زائد نچلی سطح پر آ گیاہے۔

ملک کی سب سے بڑی آئل مارکیٹنگ کمپنی انڈین آئل کارپوریشن کے مطابق دہلی میں پیٹرول آج نو پیسے سستا ہوکر 73.27 روپے فی لیٹر پر آ گیا ہے جو 11 نومبر 2019 کے بعد نچلی سطح پر ہے۔ یہاں ڈیزل کی قیمت بھی آٹھ پیسے کم ہو کر 66.28 روپے فی لیٹر رہ گئی جو گزشتہ برس 19 دسمبر کے بعد کی نچلی سطح ہے۔

کولکاتہ اور ممبئی میں بھی پیٹرول نو ۔ نو پیسے کم ہوکر بالترتیب 75.90 روپے اور 78.88 روپے فی لیٹر پر آگیا ہے۔

چینئی میں اس کی قیمت 10 پیسے کم ہوکر 76.09 روپے فی لیٹر رہ گئی ۔

ڈیزل کی قیمت کولکاتہ اور چینئی میں آٹھ ۔ آٹھ پیسے کی کٹوتی کے ساتھ بالترتیب 68.64 روپے اور 70.01` روپے فی لیٹر رہی۔

ممبئی میں ڈیزل کی قیمت نو پیسے گھٹ کر 69.47 روپے فی لیٹر پر آگیا ہے۔

قابل ذکر ہے کہ پٹرول اور ڈیزل کے دام ہر دن کم اور زیادہ ہوتے رہتے ہیں ۔ ڈیزل اور پٹرول کا نیا دام صبح 6 بجے سے نافذ ہوتا ہے ۔ ان کی قیمت میں ایکسائز ڈیوٹی ، ڈیلر کمیشن سب کچھ جوڑنے کے بعد اس کی قیمت تقریبا دوگنی ہوجاتی ہے ۔