لگاتار ساتویں دن مہنگا ہوا پٹرول اور ڈیزل ، جانئے اب ٹنکی بھرنے کیلئے کتنا کرنا ہوگا خرچ؟

سرکاری تیل کمپنیوں نے پیر کو بھی مسلسل ساتویں دن ملک بھر کے مختلف شہروں میں پٹرول اور ڈیزل کے دام میں اضافہ کیا ۔ نئی قیمتیں آج صبح چھ بجے سے لاگو ہوچکی ہیں ۔ ایندھن کی قیمتوں میں روزانہ ہونے والی تبدیلی میں آج مختلف بڑے شہروں میں ڈیزل 23۔26 پیسے فی لیٹر اور پٹرول 28 ۔ 30 پیسے فی لیٹر مہنگا ہوگیا ۔ (علامتی تصویر)

راجدھانی دہلی میں پیر کو اضافہ کے بعد ایک لیٹر پٹرول 88 روپے 99 پیسے فی لیٹر ہوگیا جبکہ اتوار کو یہ 88 روپے 73 پیسے فی لیٹر تھا ۔ اسی طرح ڈیزل بھی 29 پیسے مہنگا ہوکر 79 روپے 35 پیسے فی لیٹر ہوگیا ۔ (علامتی تصویر)

ممبئی میں پیر کو پٹرول کے دام میں 25 پیسے کا اضافہ ہوا ۔ یہاں پٹرول 85 روپے 46 پیسے فی لیٹر ہوگیا ۔ گزشتہ دن کے مقابلہ میں یہاں ڈیزل کا دام 30 پیسے بڑھ کر 86 روپے 34 پیسے فی لیٹر ہوگیا ۔ (علامتی تصویر)

کولکاتہ میں پٹرول پمپ پر آج پٹرول 24 پیسے مہنگا ہوکر 90 روپے 25 پیسے فی لیٹر مل رہا ہے ۔ یہاں آج ڈیزل کا دام 82 روپے 94 پیسے فی لیٹر ہے ۔ اس میں 29 پیسے کا اضافہ ہوا ہے ۔ (علامتی تصویر)

چنئی کی بات کریں تو یہاں کے لوگوں کو گزشتہ دن کے مقابلہ میں آج 23 پیسے زیادہ مہنگا ملے گا ۔ یہ 91 روپے 19 پیسے فی لیٹر ہے جبکہ ڈیزل کا دام 28 پیسے فی لیٹر بڑھ کر 84 روپے 44 پیسے فی لیٹر ہوگیا ہے ۔ (علامتی تصویر)