سری لنکا میں ایک ماہ میں تیسری بار بڑھی Petrol-Diesel کی قیمتیں، ٹوکن سسٹم ہوا نافذ

سری لنکا اپنی آزادی کے بعد سے بدترین معاشی بحران کا سامنا کر رہا ہے۔ اتوار کو ملک میں ایندھن کی قیمتوں میں ایک بار پھر اضافہ کر دیا گیا۔ حکومت نے ایک ماہ میں تیسری بار ایندھن کی قیمتوں میں اضافہ کیا گیا ہے۔ ادھر امریکہ بھی سری لنکا کو معاشی بحران سے نکالنے کے لیے سرگرم ہو گیا ہے۔ امریکی افسران کی ایک ٹیم کولمبو پہنچ گئی ہے۔

نقدی کی کمی کا شکار سری لنکا نے ضروری خدمات کے علاوہ تمام ایندھن کی فروخت پر دو ہفتے کی پابندی کا اعلان کیا ہے۔ اس کے علاوہ پرائیویٹ سیکٹر کی کمپنیوں کو تیل کی سپلائی نہ ہونے کی وجہ سے گھر سے کام work from Home کرنے کو کہا گیا۔

حکومت کے ترجمان بندولا گنوردھن نے کہا، "آج آدھی رات سے، صحت کے شعبے جیسی ضروری خدمات کے علاوہ کسی کو ایندھن فروخت نہیں کیا جائے گا۔ ہم اپنے پاس موجود بہت کم اسٹاک کو محفوظ رکھنا چاہتے ہیں۔"

اس سے پہلے گزشہ دنوں یہ خبریں آئی تھیں کہ سری لنکا میں ایندھن مکمل طور پر ختم ہو گیا ہے۔ سری لنکا میں جاری معاشی بحران کے درمیان ملک میں صرف 1,100 ٹن یٹرول petrol اور 7,500 ٹن ڈیزل diesel بچا ہے جو ایک دن کے لیے بھی کافی نہیں ہے۔

سیلون پیٹرولیم کارپوریشن کے مطابق ڈیزل کی قیمتوں میں 15 فیصد اضافہ کیا گیا ہے۔ اب ڈیزل کی قیمت 460 سری لنکائی روپے فی لیٹر تک پہنچ گئی ہے۔ پٹرول کی قیمتوں میں 22 فیصد اضافہ کیا گیا ہے۔ اب یہ 550 سری لنکائی روپے فی لیٹر ہو گیا ہے۔

پٹرول پمپس petrol pumpsکے باہر لمبی لائنوں میں لگے لوگوں کے لیے حکومت کی جانب سے ٹوکن سسٹم نافذ کیا گیا ہے۔ وزیر توانائی وجیسیکرا نے بتایا کہ وزارت کے چار مختلف گروپ تیل کی درآمد کے لیے کام کر رہے ہیں۔ ٹوکن سسٹم کے بعد لوگوں کو زیادہ دیر لائن میں نہیں کھڑا ہونا پڑے گا۔

دریں اثناء وزیر اعظم رانیل وکرماسنگھے نے پارلیمنٹ میں کہا کہ آنے والا وقت مزید مشکل ہو سکتا ہے۔ وکرم سنگھے نے کہا کہ ہماری معیشت پوری طرح سے گر چکی ہے۔ اب ہم ایندھن، گیس، بجلی اور خوراک کی کمی جیسے مسائل سے دوچار ہیں۔