سعودی عرب کی شان آرامکو سے چھن گیا دنیا کی نمبر -1 کمپنی کا تاج، جانئے اب کون ہے سب سے آگے

سعودی عرب میں ان دنوں کچھ بھی اچھا چل نہیں رہا ہے۔ کورونا وائرس کی وجہ سے ملک کی معاشی حالت کافی خراب ہو گئی ہے۔ اس لئے حکومت نے پچھلے دنوں ویٹ بڑھا دیا۔ اس کے علاوہ ملازمین کو دئیے جانے والے کئی طرح کے بھتے بھی فی الحال ختم کر دئیے گئے ہیں۔ وہیں، اب سعودی آرامکو کے سر سے دنیا کی سب سے بڑی کمپنی ہونے کا درجہ بھی چھن گیا ہے۔

امریکہ کی سب سے بڑی کمپنی ایپل نے یہ تاج چھن لیا ہے۔ اب مارکیٹ کیپ کے لحاظ سے ایپل دنیا کی سب سے بڑی کمپنی ہے۔

آئی فون بنانے والی ایپل کا شئیر بدھ کو کاروبار کے دوران اپنی اب تک کی سب سے اونچی سطح پر پہنچ گیا۔ اس کمپنی کی مارکیٹ کیپ بڑھ کر ریکارڈ سطح دو ٹریلیں ڈالر یعنی تقریبا 150لاکھ روپئے پر پہنچ گئی ہے۔

دنیا بھر میں اپنی کمائی کو لے کر مشہور اس کمپنی کو امریکی تیل کمپنی نے قائم کیا تھا۔ آرامکو یعنی ’ عربی امریکن آئل کمپنی‘ کا سعودی عرب نے 1970 کی دہائی میں نیشنلائزیشن کر دیا تھا۔ حالانکہ یہ کمپنی شفافیت کو لے کر تنازعات میں بھی رہی ہے۔

بی بی سی کی ایک رپورٹ کے مطابق، کورونا وائرس کی وجہ سے سعودی عرب کی معیشت بحران کے دور میں ہے۔ ملک کا عوامی سرمایہ کاری فنڈ ہے جو تقریبا 320 ارب ڈالر کا ہے۔ سعودی کی سرکاری تیل کمپنی آرامکو کے پاس 17 کھرب ڈالر کی املاک تھی جو گوگل اور امیزن دونوں کو ملا نے کے برابر ہوتی ہے۔ سعودی عرب نے اس کا بہت ہی چھوٹا سا حصہ تقریبا ڈیڑھ فیصدی بیچ کر پچیس ارب ڈالر کمائے تھے جو کہ تاریخ کی سب سے بڑی شئیر فروخت کے طور پر جانی جاتی ہے۔