ہاتھ پر مہندی لگانے کے بعد 9 سال کی بچی کو پڑے دورے، ڈاکٹرس کے سامنے عجیب کیس، وجہ جان کر ڈاکٹرس بھی رہ گئے حیران

قومی راجدھانی دہلی کے ایک معروف نجی اسپتال نے منگل کو بتایا کہ انہیں ایک انوعجیب و غریب کھا کیس سامنے آیا جس میں ایک نو سالہ بچی کو اپنے ہاتھوں پر مہندی لگانے کے بعد دورے پڑنے لگے۔ علامتی تصویر

سر گنگا رام اسپتال کی جانب سے جاری کردہ ایک بیان کے مطابق، اس معاملے پر ایک تحقیقی مقالہ (research paper) 'کلینیکل نیورو فزیالوجی' کے جنوری 2023 کے ایڈیشن میں شائع ہوا ہے۔

بیان کے مطابق اسپتال کے نیورولوجی ڈیپارٹمنٹ کو حال ہی میں ایک ’انوکھا‘ کیس دیکھنے کو ملا جس میں ایک نو سالہ بچی کو مہندی لگانے کے بعد دورے پڑ رہے تھے۔

اسپتال کے ڈاکٹروں نے بتایا کہ جب لڑکی کو مہندی لگانے کے بعد پہلا دورہ پڑا تو "اچانک وہ بے ہوش ہو گئی اور اس کا جسم 20 سیکنڈ تک تکلیف سے تڑپتا رہا۔" انہوں نے بتایا کہ بچی کو حال ہی میں مزید ٹیسٹ کے لیے اسپتال لایا گیا تھا۔

سینئر فزیشین (کرنل) پی کے سیٹھی کے مطابق، “یہ دوروں کا ایک انوکھا معاملہ ہے، جس میں مریض کو کسی باہری وجہ سے دورے پڑ رہے تھے، جب کہ عام طور پر ایسا نہیں ہوتا ہے۔ پی کے سیٹھی نے کہا کہ ہمارے پاس جو کیس آیا تھا اس میں مہندی لگنے کی وجہ سے بچی کو مسلسل دورے پڑ رہے تھے۔۔

مہندی کی بو سے پڑ رہے تھے دورے
ڈاکٹروں نے بتایا کہ اسپتال میں ڈاکٹروں کی نگرانی میں مریض بچی کے دائیں ہاتھ پر مہندی لگائی گئی۔ انہوں نے بتایا کہ مہندی کی اپنی ایک خوشبو ہوتی ہے اور جیسے ہی اسے مریض کے ہاتھ پر لگایا گیا، ہاتھ سینے کے قریب لے جایا گیا، اسے دورے پڑنے لگے۔ پی کے سیٹھی کا کہنا تھا کہ طبی معائنے میں معلوم ہوا کہ مریض کو ہاتھ یا پاؤں پر مہندی لگانے سے دورے نہیں آرہے ہیں بلکہ مہندی کی بو سے دورے پڑ رہے تھے۔