آسارام نے ملک قانون کو بتایا اندھا ، کہا : یہاں کسی کو بھی پکڑ کر جیل میں ڈال دیا جاتا ہے

اپنے ہی آشرم کی ایک نابالغ لڑکی کے جنسی استحصال کے الزام میں پھنسے آسارام ​​نے اپنا درد بیان کرتے ہوئے ملک کے قانون کو ہی کٹہرے میں کھڑا کر دیا۔ آسارام ​​نے جودھپور میں کورٹ میں پیش ہوتے وقت کہا کہ اس ملک میں قانون اندھا ہے اور یہاں کسی کو بھی پکڑ کر جیل میں ڈال دیا جاتا ہے۔

آسارام نے دعوی کیا کہ محض ایک لڑکی کی وجہ سے لاکھوں لوگ پریشان ہو رہے ہیں۔

اکثر اپنے بڑبولے پن کی وجہ سے موضوع بحث رہنے والے آسارام ​​نے یہ بھی کہا کہ محض ایک لڑکی کی وجہ سے ان کی دوسری بیٹیاں دکھی ہو رہی ہیں۔

اس سے پہلے آسارام ​​نے کہا کہ جب وہ جیل میں آئے تھے ، تو انہیں دو بیماریاں ہی تھیں ، لیکن جیل کی ہوا کی وجہ سے آج انہیں چھ بیماریاں ہوگئی ہیں ۔

آسارام کے مطابق وہ کئی مرتبہ تو بول بھی نہیں سکتے ہیں ، انہیں سمجھ میں نہیں آ رہا ہے کہ کیا کیا جائے۔

آسارام نے کہا کہ تین اسپتال کے ڈاکٹروں نے ہاتھ کھڑے کر دیے ہیں۔ جیمر کی وجہ سے علاج نہیں ہو سکتا ہے۔

آسارام کا درد بھرے لہجہ میں کہنا تھا کہ جب ڈاکٹروں نے ہی ہاتھ کھڑے کر دیے تو ظاہر ہے اب علاج بھی نہیں ہو سکتا ہے۔ سمجھ نہیں آ رہا ہے کہ کیا کیا جائے ۔

غور طلب ہے کہ کورٹ کے باہر آج سماعت کے دوران آسارام کے حمایتی کافی تعداد میں جمع تھے۔