ووٹوں کی فصل کےلئےگیہوں کی کٹائی کرنے پہنچ گئیں ڈریم گرل ہیما مالنی

متھرا سے بی جے پی رکن پارلیمنٹ ہیما مالنی کو بی جے پی نے ایک بار پھر متھرا سے امیدوار بنایا ہے۔ انہوں نے گزشتہ پیر یعنی 25 مارچ کو اپنی پرچہ نامزدگی داخل کی تھی۔ نامزدگی سے قبل انہوں نے وزیراعلیٰ یوگی آدتیہ ناتھ کے ساتھ متھرا کے بانکے بہاری مندرمیں پوجا کی تھی۔ اس کے بعد انہوں نے اپنی نامزدگی داخل کی تھی۔ پرچہ نامزدگی کے موقع پر وزیراعلیٰ یوگی آدتیہ ناتھ بھی ان کے ساتھ موجود رہے۔

ہیما مالنی نے اتوار31 مارچ سے پارلیمانی حلقہ متھرا میں اپنے انتخابی مہم کا آغاز کھیت میں کام کررہی خواتین سے ملاقات کرکے کی۔ ڈریم گرل ہیما مالنی نے پرچہ نامزدگی کے وقت دیئے حلف نامہ میں اپنی جائیداد 101 کروڑ روپئے اعلان کیا ہے۔ حلف نامہ کے مطابق گزشتہ ہانچ سال میں ان کی جائیداد میں 34 کروڑ کا اضافہ ہوا ہے۔

ہیما مالنی نے اپنی انتخابی مہم کا آغاز کچھ اس انداز میں کیا۔ تہشیر کی تصویریں بھی انہوں نے اپنے ٹوئٹراکاونٹ پرشیئرکیں۔

کھیت میں ہیما مالنی نے گیہوں کی کٹائی کی۔ یہی نہیں انہوں نے گیہوں کٹائی کے بعد بوجھا بھی باندھا۔

ڈریم گرل ہیما مالنی نے گیہوں کاٹنے والی خواتین سے ملاقات کے بعد ان کے ساتھ گیہوں کاٹنے اور بوجھا باندھنے کے بعد گیہوں کا ایک چھوٹا سا بوجھا بھی اٹھایا۔