کشمیر:پونچھ میں ایل او سی پرہندوستان اورپاکستان کی افواج آمنے سامنے،فائرنگ کا تبادلہ

دنیا کو اپنی لپیٹ میں لینے والے وبا کورونا وائرس کے خوف وخطرات کے بیچ جموں وکشمیر میں لائن آف کنٹرول (ایل او سی) پر ہندوستان اور پاکستان کی افواج کے مابین گولہ باری کا تبادلہ تھمنے کا نام نہیں لے رہا ہے۔(فائل فوٹو:نیوز18)۔

ضلع پونچھ کے منکوٹ سیکٹر میں ایل او سی پر طرفین کے درمیان پیر کی شام قریب پانچ بجکر پندرہ منٹ پر شدید گولہ باری کا تبادلہ شروع ہوا جو یہ رپورٹ فائل کئے جانے تک جاری تھا۔ تاہم فوری طور پر کسی بھی جانب کسی جانی یا مالی نقصان کی کوئی اطلاع نہیں ہے۔۔(فائل فوٹو:نیوز18)۔

ایک دفاعی ترجمان کے مطابق ضلع پونچھ کے منکوٹ سیکٹر میں ایل او سی پر پیر کی شام پاکستانی فوج نے بلا اشتعال ہندوستان کی اگلی چوکیوں کو نشانہ بنا کر فائرنگ کی اور مارٹر گولے داغے۔۔(فائل فوٹو:نیوز18)۔

ترجمان نے کہا کہ وہاں تعینات فوجی اہلکاروں نے حملے کا بھر پور جواب دیا تاہم فی الوقت کسی بھی جانب کسی جانی یا مالی نقصان کی کوئی اطلاع نہیں ہے۔۔(فائل فوٹو:نیوز18)۔

قابل ذکر ہے کہ دو نوں ممالک کے درمیان سال 1999 کے تنازعے کے بعد سال 2003 میں جنگ بندی کا معاہدہ طے پانے کے باوصف طرفین کے درمیان ایل او سی پر گولہ باری اور فائرنگ کا تبادلہ اب ایک معمول بن گیا ہے۔۔(فائل فوٹو:نیوز18)۔

طرفین کے درمیان نوک جھونک سے آر پار کے سرحدی لوگوں کو بے تحاشا جانی و مالی نقصان سے دو چار ہونا پڑرہا ہے۔۔(فائل فوٹو:نیوز18)۔

سرحد پر دونوں جانب سے ہونے والی فائرنگ کے بعد مقامی لوگوں میں کافی خوف وہراس کا ماحول دیکھا جارہاہے۔ مقامی لوگوں نے حکومت سے ان کے لئے انفرادی سطح پر بنکر تعمیر کرنے کا مطالبہ ہے۔۔(فائل فوٹو:نیوز18)۔

بتادیں کہ جموں وکشمیر میں پاکستان کے ساتھ لگنے والی ایل او سی اور بین الاقوامی سرحد پر گذشتہ کچھ ہفتوں سے سخت کشیدگی پائی جارہی ہے۔ اس دوران دونوں اطراف کئی مرتبہ فائر نگ کی گئی ہے ۔ ۔(فائل فوٹو:نیوز18)۔

یاد رہے کہ ضلع پونچھ میں لائن آف کنٹرول پر 1اپریل کو بھی ہندوستان اور پاکستان کی افواج کے درمیان گولہ باری کے شدید تبادلے میں ایک فوجی اور ایک عام شہری زخمی ہوگئے۔ فوجی اہلکار منکوٹ کے کرشنا گاٹھی سیکٹر جبکہ عام شہری شاہپور کرنی سیکٹر میں زخمی ہوگیا تھا۔(فائل فونو:نیوز18)۔

1اپریل کو بھی گولہ باری کی وجہ سے کئی رہائشی مکانات کو نقصان پہنچا ہے۔ ایل او سی پر فائرنگ کے پیش نظر ضلع پونچھ کے متعدد سرحدی علاقوں میں 1 اپریل کو تعلیمی ادارے بند رکھے گئے تھے۔۔(فائل فوٹو:نیوز18)۔

فائرنگ کے پیش نظر ضلع پونچھ کے مختلف سرحدی علاقوں بشمول شاہپور، کرنی، ماندھار اور قصبہ میں ضلع مجسٹریٹ کے احکامات پر تعلیمی ادارے بند رکھے گئے تھے۔اس حوالے سے ضلع مجسٹریٹ پونچھ کی طرف سے جاری حکم نامے میں کہا گہا تھا-۔(فائل فوٹو:نیوز18)۔

ایک دفاعی ترجمان نے بتایا تھا کہ پونچھ ضلع میں لائن آف کنٹرول پر شاہپور اور کرنی علاقوں میں1 اپریل کو بھی صبح قریب پونے آٹھ بجے پاکستانی فوج نے چھوٹے اور بھاری ہتھیاروں کا استعمال کرکے گولہ باری اور فائرنگ کی جس کے نتیجے میں ایک عام شہری زخمی ہوا۔ انہوں نے کہا کہ ہندوستانی فوج بھر پور اور موثر جوابی کارروائی کررہی ہے۔۔(فائل فوٹو:نیوز18)۔