دیکھئے، کس طرح پانی پانی ہوا اندور، لوگوں کا گھر سے باہر نکلنا ہوا مشکل
مدھیہ پردیش میں بھاری بارش کی وجہ سے اب ریاست کی اقتصادی دارالحکومت اندور کا حال بے حال ہو گیا ہے۔
مدھیہ پردیش میں بھاری بارش کی وجہ سے اب ریاست کی اقتصادی دارالحکومت اندور کا حال بے حال ہو گیا ہے۔ بارش کی وجہ سے شہر کے کئی حصوں میں کئی فٹ پانی بھر گیا ہے جس سے معمول کی زندگی بری طرح متاثر ہو گئی ہے۔ حالات یہ ہیں کہ لوگوں کا گھر سے نکلنا مشکل ہو گیا ہے۔
شہر میں بارش کا سلسلہ رات تقریبا دو بجے سے شروع ہوا۔ صبح تقریبآ ساڑھے چار بجے تک موسلادھار بارش ہوتی رہی۔
زیادہ تر جگہوں پر لوگ رات ڈھائی بجے سے پریشان ہوتے رہے۔ ایسے میں انتظامیہ کو دیر رات ہی کچھ بستیوں کو خالی کروانا پڑا۔
جونی اندور کے علاوہ اس سے ملحق ہاتھی پالا اور دیگر علاقوں میں بھی آبی جماو کے چلتے لوگوں کو بھاری پریشانیوں کا سامنا کرنا پڑا۔
چندن نگر اور آزاد نگر میں بھی کچھ اسی طرح کے نظارے تھے۔ یہاں بھی لوگوں کے گھروں میں کئی فٹ پانی بھر گیا۔
محکمہ موسمیات کے مطابق سینٹرل ایم پی میں لو پریشر ایریا بنا ہے، جس سے سسٹم اب بھوپال کے ساتھ ہی نماڑ اور مالوا کی طرف بڑھ گیا ہے۔
