OMG News: رات میں جنگل میں اس حالت میں تھا عاشق جوڑا، لوگوں نے پکڑ کر زبردستی کیا ایسا کام، معاملہ پہنچا پولیس اسٹیشن

گوڈا : جھارکھنڈ کے گوڈا ضلع میں مقامی لوگوں نے ایک عاشق جوڑے کو جنگل میں ملتے دیکھ لیا ، جس کے بعد زبردستی ان دونوں کی شادی کرادی گئی ۔ گوڈا کے رام گڑھ روڈ پر واقع بایوڈائیورسٹی پارک کے نزدیک اتوار رات کو جنگل میں مقامی لوگوں نے عاشق جوڑے کو پکڑ لیا اور کل دیر رات ان دونوں کی شادی کرادی۔ علامتی تصویر۔

ملی جانکاری کے مطابق لڑکی مالٹولہ پتھرا کی رہنے والی بتائی جاتی ہے وہیں نوجوان گائی چھاند کا رہنے والا ہے ۔ عاشق جوڑے کو پہلے مقامی لوگ پکڑ کر پاس کے گاوں مرلی ڈیہہ لے کر پہنچے جہاں سبھی نے عاشق جوڑے کی زبردست شادی کرادی۔

بتایا جاتا ہے کہ گاوں کے ہی ایک شخص نے پجاری بن کر کالی مندر میں دونوں کی شادی کرائی ۔ مقامی لوگوں نے خود کے پیسے سے ہی ورمالا اور سندور لا کر نوجوان کے ہاتھ میں تھمادیا اور لڑکی کی مانگ بھروادی۔ علامتی تصویر۔

وہیں پوچھ گچھ میں نوجوان نے بتایا کہ وہ گوڈا میں رہ کر بارہویں میں پڑھتا ہے اور اس کی عمر صرف 18 سال ہے ۔ وہیں لڑکی نے بتایا کہ وہ اے این ایم نرسنگ کررہی ہے اور اس کی عمر 21 سال کی ہے ۔ علامتی تصویر۔

عاشق جوڑے کے مطابق دونوں کے درمیان چار مہینے پہلے معاشقہ شروع ہوا تھا ۔ نوجوان کے مطابق ابھی اس کی شادی کی عمر نہیں ہوئی ہے ، لیکن زبردستی دونوں کی شادی کرادی گئی ، لیکن نوجوان مقامی لوگوں کی بھیڑ کی وجہ سے شادی کرنے سے منع نہیں کرسکا۔ علامتی تصویر۔

حالانکہ نوجوان نے مقامی لوگوں سے کہا بھی کہ وہ لڑکی کو اپنے گاوں لے کر تو نہیں جاسکتا ہے ، لیکن وہ لڑکی کو گوڈا میں ہی ایک کمرہ لے کر رکھے گا ۔ بتادیں کہ نوجوان کی عمر صرف 18 سال ہے جو قانونا لڑکے کی شادی کی عمر نہیں ہے ۔ علامتی تصویر۔

شادی کراکر مقامی لوگ لڑکے اور لڑکی کو اس کے اہل خانہ کے سپرد کرنے ہی والے تھے کہ معاملہ کی جانکاری نگر تھانہ پولیس کو مل گئی اور جائے واقعہ پر پہنچ کر پولیس عاشق جوڑے کو نگر تھانہ لے گئی ۔ علامتی تصویر۔

بتادیں کہ اس پورے معاملہ پر نگر تھانہ انچارج مکیش پانڈے نے کہا کہ کسی بھی گھومنے والوں کا یوں شادی کرادینا کہیں سے قانون کے مطابق نہیں ہے ۔ پولیس معاملہ کی جانچ کرے گی اور قصورواروں کے خلاف کارروائی کی جائے گی ۔ علامتی تصویر۔