چوری چھپے رات میں معشوقہ سے ملنے پہنچا عاشق تو گاوں والوں نے کروادی شادی، پھر پتہ چلی ایسی بات ، سبھی کے اڑگئے ہوش

گڑھوا : جھارکھنڈ کے گڑھوا میں شادی کا ایک عجیب و غریب معاملہ سامنے آیا ہے ۔ دراصل گڑھوا ضلع کے ماجھی آو برڈیہا تھانہ علاقہ کے ماجھی گاواں گاوں میں مقامی لوگوں کے ذریعہ ایک عاشق جوڑے کی شادی کرنے کی خبر ہے ۔ یہی نہیں شادی کے چھ گھنٹے بعد ہی لڑکی کو اپنا سندور دھونا بھی پڑا ۔ (علامتی تصویر)

جانکاری کے مطابق عاشق اپنی معشوقہ سے ملنے کیلئے رات کے اندھیرے میں چوری چھپے گھر پہنچ گیا تھا ، لیکن لڑکی کی ماں کے شور مچانے کے بعد دونوں کی پول کھل گئی ۔ وہیں شادی کے بعد پتہ چلا کہ لڑکا نابالغ ہے تو سب کے ہوش اڑگئے ۔ (علامتی تصویر)

گڑھوا ضلع میں پیش آئے اس واقعہ کے سلسلہ میں لڑکی کی ماں تیتری کنور نے بتایا کہ جمعرات کو رات میں میرے گھر میں بھگوان پور تھانہ علاقہ کے کیوالر پورہ گاوں کے رہنے والے راکیش رجوار ا بیٹا وکاس کمار ( تقریبا 16 سال) گھر میں چوروں کی طرح گھسا تھا ۔ اس کے بعد میں شور مچانے لگی ۔ (علامتی تصویر)

شوروغل کی آواز کی سن کر گاوں والوں نے اس کو پکڑ لیا ۔ اس واقعہ کے کچھ دیر بعد اطلاع ملتے ہی لڑکے کے والد اور رشتہ دار بھی آگئے اور کافی تعداد میں گاوں اور آس پاس کے مقامی لوگوں نے گاوں کے دیوی منڈپ کے نزدیک میرے منع کرنے کے بعد بھی زبردستی میری بیٹی کی شادی کروا دی ۔ (علامتی تصویر)

لڑکی کی ماں نے کہا کہ ان کی بیٹی 19 سال کی ہے جبکہ لڑکا تقریبا سولہ سال کا ہے اور وہ شرابی بھی ہے ۔ سندور لگوانے کے بعد مقامی لوگوں نے کہا کہ برڈیہا تھانہ جانا ہے تو ہم لوگ تھانہ چلے گئے ۔ اس وقت لڑکے کا باپ پہلے سے ہی موجود تھا ۔ اس کے بعد تھانہ کے مشنی کے ذریعہ ان سے اور لڑکی سے ایک درخواست پر انگوٹھا لگوایا گیا اور کہا گیا کہ لڑکا نابالغ ہے اور شادی ہونے پر جیل جاو گے ۔ (علامتی تصویر)

وہیں لڑکی کی ماں نے بتایا کہ اس کو دو وقت کے کھانے کیلئے بھی سوچنا پڑتا ہے تو وہ کیس کیسے لڑے گی ۔ اس کے بعد پولیس نے لڑکے اور اس کے والد کو اپنے گھر بھیج دیا اور لوگوں کے کہنے پر میں نے بھی اپنی لڑکی کا سندور دھلوادیا ۔ (علامتی تصویر)

اس سلسلہ میں تھانہ انچارج سمنت کمار رائے نے بتایا کہ دونوں فریق آئے تھے اور دونوں ( لڑکا اور لڑکی ) کو ان کے گھر والوں کے سپرد کردیا گیا ہے ۔ اس سلسلہ میں کسی بھی فریق کے ذریعہ تحریری شکایت درج نہیں کرائی گئی ہے ۔ (علامتی تصویر)