کوارنٹائن سینٹر میں حاملہ ہوئیں تبلیغی جماعت سے وابستہ خواتین ، پولیس نے کی یہ بڑی کارروائی

رانچی کے کھیل گاؤں میں واقع کوارنٹائن سینٹر میں تبلیغی جماعت کی تین خواتین کے حاملہ ہونے کے تعلق سے شائع ہوئی خبر پر ضلع انتظامیہ نے نوٹس لیتے ہوئے ایف آئی آر درج کرنے کا حکم دیا ہے ۔ رانچی کے ڈپٹی کمشنر چھوی رنجن نے کہا ہے کہ جانچ افسر ایڈیشنل کلکٹر کی رپورٹ کے جائزے کے بعد یہ حکم نامہ جاری کیا گیا ہے۔

کھیل گاؤں میں واقع کوارنٹائن سینٹر کے انسیڈنٹ کمانڈر کو کہا گیا ہے کہ اس معاملہ سے متعلق قوانین کے تحت مقدمہ درج کرائیں اور جسمانی فاصلہ پر عمل نہیں کرنے والوں کے خلاف قانون کے مطابق کارروائی کریں ۔ اب اس پورے معاملہ میں کھیل گاؤں پولیس تھانہ میں ملزم مرد و خواتین کے خلاف اپیڈیمک ڈیزیز ایکٹ 2020 کی خلاف ورزی کے معاملہ میں مقدمہ درج ہوگا ۔ علامتی تصویر ۔

دو ملیشیائی خواتین کوارنٹائن کے دوران حاملہ ہوئیں ، جبکہ تیسری ملیشیائی خاتون کا حمل کوارنٹائن ہونے سے قبل کا ہے ۔ علامتی تصویر ۔

واضح رہے کہ گذشتہ 30 جون سے 20 جولائی تک پولیس تحویل میں رہنے کے بعد 21 جولائی کو رانچی کے ہٹوار میں واقع برسہ منڈا سینٹرل جیل سے 17 غیرملکی تبلیغی جماعت میں شامل چار ملیشیائی خواتین میں سے تین خواتین کے کوارنٹائن سینٹر میں قیام کے دوران حاملہ ہونے کے تعلق سے خبر شائع ہوئی تھی ۔ علامتی تصویر ۔

اس معاملے کے منظر عام پر آنے کے بعد رانچی ضلع انتظامیہ نے ایڈیشنل کلکٹر کو جانچ کرنے کا حکم دیا تھا ۔ حالانکہ ایڈیشنل کلکٹر کا تبادلہ ہو گیا ، لیکن دوسرے عہدے پر فائز ہونے سے قبل ہی انہوں نے پورے معاملے کی جانچ کی اور رپورٹ سونپ دی ۔ علامتی تصویر ۔

رپورٹ میں کہا گیا ہے کہ جن تین غیرملکی تبلیغی جماعت کی خواتین کے حاملہ ہونے کی بات سامنے آئی ہے ، ان میں سے دو کوارنٹائن سینٹر میں قیام کے دوران ہی حاملہ ہوئیں ہیں ۔ یہ پوری طرح کوارنٹائن سینٹر کے لئے بنے قانون کی خلاف ورزی ہے ۔ علامتی تصویر ۔

یہاں جسمانی فاصلے بنائے رکھنے پر عمل نہیں کیا گیا ۔ تیسری خاتون کے تعلق سے انتظامیہ کی رپورٹ ہے کہ ان کا حمل کوارنٹائن سینٹر سے قبل کا ہے ۔ علامتی تصویر ۔

اس دوران جب ان خواتین سے پوچھ تاچھ کی گئی ، تو انہوں نے کھیل گاؤں میں حاملہ ہونے کا اعتراف کیا تھا ۔ میڈیکل جانچ میں بھی اس کی تصدیق ہوئی ۔ تمام 17 غیرملکی تبلیغی جماعت کے لوگ 21 جولائی کو ضمانت پر جیل سے رہا ہوئے تھے ۔ اس کے بعد سے یہ لوگ رانچی میں ہی قیام پذیر ہیں ۔ علامتی تصویر ۔

رانچی کے ہندپیڑھی میں 17 غیرملکی تبلیغی جماعت کے لوگوں کے خلاف لاک ڈاؤن اور ویزا کے ضابطے کی خلاف ورزی کا مقدمہ درج ہے ۔ یہ غیرملکی باشندہ 30 مارچ کو رانچی کے کھیل گاؤں واقع کوارینٹائن سینٹر بھیجے گئے تھے ، جہاں سے سے 20 مئی کو ہٹوار واقع برسہ منڈا سینٹرل جیل بھیجے گئے ۔ سینٹرل جیل پہنچتے ہی میڈیکل جانچ کے دوران یہ خواتین حاملہ پائی گئیں تھیں۔ علامتی تصویر ۔

کیس ختم ہونے تک ان لوگوں کو ہندوستان چھوڑ کر اپنے ملک واپس جانے کی اجازت نہیں ہے ۔ مرکزی وزارت داخلہ نے ہندوستان آئے تمام غیرملکی تبلیغی جماعت کے لوگوں کا ویزا رد کر دیا ہے ۔ ان پر ٹورسٹ ویزا پر ہندوستان آ کر مذہبی کاموں میں شامل ہونے کا الزام ہے ۔ علامتی تصویر ۔ ( رپورٹ : نوشاد عالم ) ۔