Shocking : شوہر چبا گیا بیوی کا گال ، کندھے اور ہاتھ کی کلائی پر کاٹا ، پھر جبڑا توڑنے کی بھی کی کوشش، وجہ جان کر اڑجائیں گے ہوش

شیو پوری : مدھیہ پردیش کے شیو پوری میں شوہر نے اپنی نوشادی شدہ بیوی کو تشدد کا نشانہ بناتے ہوئے حیوانیت کی سبھی حدیں پار کر دیں ۔ بیوی کا کہنا ہے کہ ملزم لیب ٹیکنیشن نے اس کا گلا گھونٹ دبایا ۔ کندھے اور ہاتھ پر دانتوں سے کاٹا۔ یہی نہیں اس نے جبڑا توڑنے کی کوشش بھی کی ۔ (علامتی تصویر)

متاثرہ خاتون کا کہنا ہے کہ شوہر نے پانی سے بھرا جگ دے کر اس کے سر پر مار دیا ۔ خاتون کو علاج کیلئے اسپتال میں داخل کرایا گیا ۔ اسپتال سے ڈسچارج ہونے کے بعد اس نے پولیس سے معاملہ کی شکایت کی ۔ اس معاملہ میں پولیس نے شوہر کے ساتھ ساس سسر اور دو نندوں کو بھی ملزم بنایا ہے ۔ پولیس کا کہنا ہے کہ خاتون کی دو ماہ قبل ہی شادی ہوئی تھی ۔ (علامتی تصویر)

متاثرہ لڑکی جمعہ کو اپنے والد کے ساتھ سٹی کوتوالی تھانہ پہنچی تھی۔ خاتون کا کہنا ہے کہ دو ماہ قبل اس کی شادی شیو پوری میں تعینات ایک لیب ٹیکنیشن سے ہوئی تھی۔ (علامتی تصویر)

اس نے بتایا کہ 27 جنوری کی رات جب اس کے بھائی کا فون آیا تو وہ بات کرنے لگی۔ پھر اچانک شوہر آگیا اور اس سے موبائل چھین کر پھینک دیا۔ پھر اس کے ساتھ مار پیٹ کی اور گلا دبانے لگا ۔ (علامتی تصویر)

خاتون کا کہنا ہے کہ اس نے خود کو بچانے کی کافی کوشش کی ، لیکن شوہر نے ایک نہیں سنی۔ اس نے کندھے اور ہاتھ کی کلائی کو دانتوں سے کاٹ لیا ۔ پانی کے جگ سے اس کے سر پر مارا ۔ اس حملہ سے خون بھی نکلنے لگا ۔ اس کے بعد شوہر نے اپنے ہاتھوں سے اس کا منہ پھاڑنے کی کوشش کی ۔ وہ لگاتار گال اور ہاتھ کو دانتوں سے کاٹنے لگا ۔ (علامتی تصویر)

متاثرہ خاتون نے پولیس کو بتایا کہ شادی کے بعد سے ہی شوہر، سسر، ساس اور نند اس کو جہیز کیلئے مسلسل ہراساں کر رہے تھے ۔ یہ لوگ طعنے دیتے تھے کہ گھر والوں نے شادی میں کوئی مہنگا تحفہ نہیں دیا ۔ (علامتی تصویر)

خاتون کے مطابق اس نے اپنے گھر میں اس کی بات کی جانکاری نہیں دی۔ سوچا وقت کے ساتھ سب ٹھیک ہو جائے گا ، لیکن سسرال والوں کی ہراسانی بڑھتی ہی چلی گئی ۔ پھر شوہر نے اس کے ساتھ ظلم کی تمام حدیں پار کر دیں۔ (علامتی تصویر)

فی الحال پولیس نے متاثرہ کی شکایت پر ملزم شوہر، ساس اور دونوں نندوں کے خلاف مقدمہ درج کر لیا ہے اور جانچ کی جا رہی ہے ۔ (علامتی تصویر)