بڑی خبر ! اس ویب سائٹ سے چلایا جارہا تھا جسم فروشی کا آن لائن دھندہ ، غیر ملکی لڑکی سمیت چار گرفتار

جھارکھنڈ کی راجدھانی رانچی میں سوشل سائٹس کے ذریعہ جسم فروشی کا دھندہ دلایا جارہا تھا ۔ پولیس نے خفیہ اطلاع پا کر کارروائی کرکے اس کا انکشاف کیا ہے ۔ پولیس نے بریاتو علاقہ کے ایک گھر میں چھاپہ ماری کرکے دو لڑکیوں سمیت چار لوگوں کو گرفتار کرلیا ہے ۔ دو لڑکیوں میں سے ایک غیر ملکی بتائی گئی ہے ۔

رانچی اسکارٹ ڈاٹ نام کی ویب سائٹ پر جسم فروشی کا بازار سجتا تھا ۔ یہ دھندہ رانچی کے بریاتو علاقہ میں چل رہا تھا ، جس کی بھنک لگتے ہی پولیس نے فعالیت دکھاتے ہوئے بریاتو کے چروندی میں واقع ایک گھر میں چھاپہ ماری کی ۔

چھاپہ ماری کے دوران دو سیکس ورکرس اور دو گراہکوں کو گرفتار کیا گیا ۔ حالانکہ اس آن لائن سیکس بازار سجانے کا سرغنہ فرار ہوگیا ہے ، جس کی تلاش میں پولیس چھاپہ ماری کررہی ہے ۔

گرفتار دو سیکس ورکرس میں سے ایک کا تعلق بنگلہ دیش سے ہے ، جس کا ویزا ختم ہوچکا ہے ۔ وہیں دوسری کا تعلق اترپردیش سے بتایا جارہا ہے ۔

آن لائن سیکس بازار رانچی کیلئے کوئی نئی بات نہیں ہے ۔ پہلے بھی اس طرح کے کئی گروہوں کا پولیس کے ذریعہ پردہ فاش کیا جاچکا ہے ۔

لیکن اس واقعہ میں اہم بات یہ ہے کہ اب دوسرے ممالک سے بھی سیکس ورکروں کو رانچی لایا جارہا ہے ۔

وہیں یہ پورا دھندہ ویب سائٹ کے ذریعہ چلایا جارہا تھا ۔ ویب سائٹ پر گراہک لڑکیوں اور آپریٹر سے رابطہ کرتے تھے ۔

ڈیل طے ہونے کے بعد لڑکیوں کی تصویر دکھا کر سودے بازی کی جاتی تھی ۔ طے رقم مل جانے کے بعد لڑکیوں کو گراہک کے بتائے پتہ پر بھیج دیا جاتا تھا ۔