نہ سونا، نہ چاندی ، بہار میں اسکولی لڑکیوں کا گھر والوں کو انوکھا چیلنج

بہار میں اسکول میں پڑھنے والی لڑکیوں نے ایک ایسا فیصلہ کیا ہے، جو براہ راست راست نتیش حکومت کو بیدار کرنے کا کام کرنے جا رہا ہے ۔ لڑکیوں کا یہ فیصلہ اتنا اہم ہے کہ یہ سماج میں تو بیداری پیدا کرے گا ہی بلکہ خاندان کے ان ٹھیکیداروں کیلئے بھی ایک چیلنج ثابت ہوگا ، جو خواتین کے اس اہم مسئلہ کو نظر انداز کرتے رہے ہیں ۔

بہار کے بکسر ضلع کی لڑکیوں نے نتیش حکومت کو ایک فیصلہ کرنے کا پابند بنایا ہے ۔ لڑکیوں کا یہ قدم ریاست کی بدلتی تصویر کا اشارہ ہے ۔

بہار میں 10 ویں کلاس کی کئی طالبات نے تب تک سونے کا کوئی بھی زیور نہیں پہننے کا حلف لیا ہے، جب تک کھلے میں رفع حاجت کرنے کی شرمندگی سے بچانے کے لئے ان کے گھروں میں بیت الخلا کی تعمیر نہیں ہوجاتی ہے ۔

بکسر ضلع کے ایک افسر نے کے مطابق ضلع کے ایک سرکاری بالیکا ہائی اسکول کی دسویں کلاس کی 18 میں سے یہ چھ طالبات ہیں ، جنہیں اب بھی کھلے میں رفع حاجت لئے کہا جاتا ہے ، کیونکہ ان کے گھروں میں بیت الخلا نہیں ہیں ۔

چونکانے والی بات ہے کہ اسکول کے معائنہ کے دوران جب ضلع کے ایک افسر انوپم سنگھ نے لڑکیوں سے پوچھا کہ کتنے گھروں میں بیت الخلا نہیں ہے ، تو 18 لڑکیوں نے اپنے ہاتھ اٹھائے ۔

لڑکیوں کے مطابق ان کے اہل خانہ نہ تو غریب ہیں اور نہ ہی انہیں پیسے کی کمی ہے ، لیکن ان کی ترجیحات میں ٹوائلٹ کی تعمیر کبھی رہا ہی نہیں ۔

خیال رہے کہ نئی حکومت کے قیام کے ساتھ ہی بہار کے وزیر اعلی نے ریاست کی ترقی کے لئے سات نکات کو دسمبر مہینے میں لانچ کیا تھا، جس میں بیت الخلا کو بھی شامل کیا گیا تھا۔.

بہار میں لاکھوں لوگ اب بھی بیت الخلا کے بغیر زندگی گزار رہے ہیں ۔ ریاست میں 1.60 کروڑ خاندانوں کو ان کے گھروں میں بیت الخلا نہیں ہے ۔

آپ کو بتا دیں کہ آزادی کے چھ دہائی بعد بھی ہندوستان میں 53 فیصد گھر ایسے ہیں جہاں بیت الخلا نہیں ہیں ۔ 2011 کے اقتصادی اور سماجی اعداد و شمار کے مطابق اس 53 فیصد گھروں کے اکثر ارکان کو آج بھی کھلے میں رفع حاجت جانے کے لئے مجبور ہونا پڑ رہا ہے ۔