بہار میں سیلاب سے ہزاروں افراد متاثر ، نقل مکانی پر مجبور

ملک کے کئی ریاستوں میں بارش اور سیلاب کا قہر ہے ۔ سیلاب سے متاثرہ ریاستوں میں اتر پردیش، مدھیہ پردیش ، راجستھان ، بہار، آسام ، اتراکھنڈ ، مدھیہ پردیش اور جھارکھنڈ شامل ہیں ۔ اتر پردیش میں بھاری سیلاب سے 11 افراد کی موت ہو گئی ، وہیں دیگر ریاستوں میں بھی موسلادھار بارش سے عام معمولات زندگی درہم برہم ہو گیا ہے ۔

سیلاب کی وجہ سے لوگ اپنے گھروں سے بھاگنے پر مجبور ہو گئے ہیں ۔ پینے کے پانی کی فراہمی اور بجلی کے نظام ٹھپ ہو چکی ہیں ۔

لوگوں کو محفوظ مقامات پر پہنچانے کے لئے فوج کو بھی لگایا گیا ہے ۔

سیلاب سے نمٹنے کے لئے این ڈی آر ایف کی ایک اضافی ٹیم بلائی گئی ہے ۔

بہار میں بچھيا دریا خطرے کے نشان سے اوپر ہے ۔

بچھيا دریا اور نپنيا دریا کا پل ڈوب گیا ہے ۔ ضلع کے 2 درجن سے زیادہ محلوں میں پانی بھر گیا ہے ۔

سیلاب کی وجہ سے ضلع ہیڈکوارٹر سے کئی گاوں کا رابطہ منقطع ہوچکا ہے ۔ انتظامیہ نے سیلاب متاثرین کو محفوظ مقامات پر منتقل کرنے کی کوشش تیز کر دی ہے۔

شہر کی گنجان بستی پچمٹھا ، لپنيا ، بچھيا ، ترهٹھی ، بانس گھاٹ ، توپ خانہ سمیت شہر کے درجنوں وارڈ سے ریسکیو کر کے لوگوں کو باہر نکالا جا رہا ہے ۔

ادھر بہار کے آبی وسائل کے ریاستی وزیر راجیو رنجن سنگھ عرف للن سنگھ نےدعوی کرتے ہوئے کہا کہ گنگا کے سیلاب سے پٹنہ شہر کو کوئی خطرہ نہیں ہے اور گنگا اور سون ندی کا پانی آہستہ آہستہ کم ہو رہا ہے۔

مسٹر سنگھ نے محکمہ کے پرنسپل سکریٹری ارون کمار کے ساتھ ديگھا گھاٹ پر گنگا ندی کے پانی کی سطح کا جائزہ لینے کے بعد کہا کہ گنگا اور سون ندی کے پانی کی سطح میں آہستہ آہستہ کمی ہو رہی ہے۔ پٹنہ شہر کو گنگا کے سیلاب سے کوئی خطرہ نہیں ہے۔

وزیر نے کہا کہ فرکہ براج کے تمام دروازوں کو کھول دیا گیا ہے۔ انہوں نے کہا کہ 3.60 لاکھ کیوسک پانی چھوڑا گیا ہے۔

انہوں نے کہا کہ مدھیہ پردیش کے وام سمندر سے پانی چھوڑا گیا ہے جو آج بہار میں داخل ہو گا لیکن پانی کی رفتار کم ہے اور اس سے کوئی خطرہ نہیں ہے۔

وان سمندر سے اگر 11 لاکھ کیوسک پانی بہار میں پہنچتا ہے تو اس سے پریشانی ہو سکتی ہے۔