مشرقی ہندوستان
آئی ایس ایل 3 کا رنگا رنگ آغاز ، شمال مشرقی ثقافت کے ساتھ ساتھ نظر آیا بالی ووڈ کا جلوہ
ہیرو انڈین سپر لیگ (آئی ایس ایل ) فٹ بال ٹورنامنٹ کے تیسرے ایڈیشن کی افتتاحی تقریب میں ہفتہ کو شمال مشرق کی ثقافت کی جھلک کے ساتھ بالی ووڈ ستاروں کا جلوہ بھی دیکھنے کو ملا۔
ہیرو انڈین سپر لیگ (آئی ایس ایل ) فٹ بال ٹورنامنٹ کے تیسرے ایڈیشن کی افتتاحی تقریب میں ہفتہ کو شمال مشرق کی ثقافت کی جھلک کے ساتھ بالی ووڈ ستاروں کا جلوہ بھی دیکھنے کو ملا۔
تقریب میں شمال مشرق کی آٹھ ریاستوں اروناچل پردیش، آسام، منی پور، میگھالیہ، میزورم، ناگالینڈ، تریپورہ اور سکم کی ثقافت کی جھلک پیش کی گئی۔
تقریب میں بالی ووڈ ستاروں عالیہ بھٹ، ورون دھون اور جیکلین فرنانڈیز نے اپنی پریزنٹیشن سے سما ں باندھ دیا۔
افتتاحی تقریب آدھے گھنٹے تک چلی اور شائقین نے شمال مشرقی ثقافت اور بالی وڈ کے جلوو کا پورا لطف لیا۔
اس لیگ کی بانی اور چیئرمین نیتا امبانی، آئی ایس ایل کی ٹیم نارتھ ايسٹ یونائیٹڈ ایف سی کے مالک جان ابراہم، ابھیشیک بچن، ممبئی سٹی کلب کے مالک رنبیر کپور، کیرل بلاسٹرزکے مالک سچن تندولکر اور چینین ایف سی کے مالک مہندر سنگھ دھونی بھی تقریب میں شامل ہوئے ۔
ہندستان کی واحد اولمپک سلور میڈلسٹ خاتون بیڈمنٹن کھلاڑی پي وي سندھو بھی اس تقریب میں خصوصی مہمان کے طور پر پہنچیں ۔
افتتاحی تقریب کے بعد سچن، دھونی، سندھو، ابھیشیک، جان ابراہم، رنبیر کپور، ورون دھون، جیكلين فرنانڈیز اور عالیہ بھٹ نے نیتا امبانی کے ساتھ سیلفي لی ۔
