دیکھیں تصاویر : پٹنہ میں جمع بارش کے پانی میں کیسے آگ لگا رہی ہے یہ ماڈل ، سوشل میڈیا پر مچی دھوم

بہار میں بھاری بارش سے عام زندگی متاثر ہے ۔ راجدھانی پٹنہ سمیت بہار کے دیگر اضلاع میں پانی بھر گیا ہے ۔ اسی درمیان پٹنہ کی سڑکوں پر پانی جمع ہونے کی تصویر دکھانے کیلئے نفٹ پٹنہ کی ایک طالبہ ادیتی سنگھ نے ایک خاص طریقہ اپنایا ۔

ادیتی سنگھ نے پٹنہ کی سڑکوں پر پانی جمع ہونے کے درمیان اپنا فوٹو اور ویڈیو شوٹ کروایا ۔ اس شوٹ کو انہوں نے سوشل میڈیا پر شیئر کیا ہے ۔

سوشل میڈیا پر ادیتی کے اس خاص انداز کو کافی پسند کیا جارہا ہے ۔ ان کے ویڈیو اور تصاویر کو کافی لائیکس اور شیئر مل رہے ہیں ۔

پانی جمع ہونے کے درمیان اس فوٹو اور ویڈیو کو پٹنہ کے ہی رہنے والے سوربھ انوراج نے شوٹ کیا ہے ۔ اس شوٹ کے بارے میں سوربھ نے بتایا کہ اس کے پیچھے ہمارا مقصد تھا کہ ہم پٹنہ کی سڑکوں پر پانی بھرنے کو ایک الگ انداز میں پیش کریں ۔ تاکہ لوگ یہاں پھنسے ہوئے لوگوں کی مدد کرسکیں ۔

ہم نے اس میں یہ دکھانے کی کوشش کی ہے کہ پٹنہ میں کوئی ایسی جگہ نہیں ہے ، جہاں پانی جمع نہ ہو ۔ اس پورے شوٹ کو پٹنہ میں ہی کیا گیا ہے ۔

پٹنہ کے بورنگ روڈ ، ناگیشور کالونی اور ایس کے پوری علاقہ میں شوٹ کیا گیا ہے ۔

سوربھ بتاتے ہیں کہ ادیتی نفٹ میں فرسٹ ائیر کی طالب علم ہے اور اس سے پہلے بھی وہ میری ماڈل رہ چکی ہے ۔ ہم دونوں نے مل کر اس کا منصوبہ بنایا تھا ۔