ہوشیار ! فیس بک کو آپ کے پل پل کی ہے خبر ، اس طرح کرتا ہے آپ کی جاسوسی

اگر آپ انٹرنیٹ پر براؤزنگ کر رہے ہیں ، تو آپ دنیا کی سب سے بڑی سوشل نیٹ ورکنگ ویب سائٹ فیس بک کی نگرانی میں ہیں۔ اس بات سے بھی کوئی فرق نہیں پڑتا کہ فیس بک پر آپ کا اکاؤنٹ ہے یا نہیں ہے اور آپ نے اس پر لاگ ان کیا ہوا ہے یا نہیں۔

سن کر تھوڑا سا عجیب لگ سکتا ہے، لیکن حال ہی میں برطانیہ کے ایک آئی ٹی ادارے کی طرف سے کئے گئے مطالعہ اور تحقیقات میں یہ بات سامنے آئی ہے کہ فیس بک ہر صارف کو براؤزنگ کے دوران ٹریک کرتا رہتا ہے۔ جیسے ہی آپ انٹرنیٹ کھولتے ہیں، فیس بک آپ کے سسٹم میں بننے والی کوکیز کے ذریعے اس بات کی نگرانی کرنے لگتا ہے کہ آپ کس ویب سائٹ پر جا رہے ہیں؟ کہاں کلک کر رہے ہیں؟ اور کیا تلاش کر رہے ہیں؟

آپ سوچ رہے ہوں گے کہ یہ سوشل نیٹ ورکنگ ویب سائٹ آپ کی نگرانی بھلا کیوں کر رہی ہے؟ دراصل فیس بک ہر صارف کے سسٹم کے کوکیز فائلوں کے ذریعے اس کی دلچسپیاں اور ضروریات کا پتہ لگاتا ہے۔

ایک بار فیس بک کو یہ پتہ لگ جاتا ہے کہ آپ کی دلچسپی کس پروڈکٹ میں ہے یا آپ نے کس پروڈکٹ کے بارے میں انٹرنیٹ پر سرچ کیا تھا ، تو اس کے بعد فیس بک انہی پروڈکٹ کے اشتہارات آپ کے سامنے پیش کرتا رہتا ہے۔ مجموعی طور پر فیس بک مشتھرین اور اشتہارات کمپنیوں کو اپنے یوزر کی ڈیمانڈ فروخت کرتا ہے۔

فیس بک ہر صارف کی نگرانی اس کے سسٹم میں جمع کوکیز سے کرتا ہے۔ خیال رہے کہ کوکیز وہ فائلیں ہوتی ہیں ، جو کسی بھی صارف کی طرف سے پچھلی مرتبہ کی سرچ ہسٹری کو بتاتی ہیں۔ جیسے ہی آپ کمپیوٹر پر لاگ ان کرتے ہیں ، تو فیس بک کا سوشل پلگ ان آپ کو ڈٹیکٹ کرتا ہے اور آپ کی کوکیز فائلوں کو فیس بک کو بھیجتا ہے ۔ اس طرح آپ کو اس کی نگرانی میں آ جاتے ہیں۔

اگر اس سے آپ بچنا چاہتے ہیں تو آپ اپنی پسند لسٹ کو ایڈٹ کریں اور ساری باتوں کو ہٹا دیں۔ اس طرح سے فیس بک کو آپ کی پسند یا ناپسند کے بارے میں کم ہی باتیں معلوم ہو سکیں گی۔