شہریت ترمیمی قانون کے خلاف بنگلورو میں بھی خواتین سڑکوں پر اتریں ، کیا احتجاج

کرناٹک کے دارالحکومت بنگلورو میں خواتین کااحتجاجی جلسہ منعقد ہوا۔ شہر کے گُڈدہلی علاقہ میں ہوئے اس اجلاس میں زیادہ تر گھریلو خواتین موجود تھیں۔ ایسی خواتین بھی تھیں جو عام طورپرسیاسی اور سماجی حالات سے ناواقف رہتی ہیں۔ لیکن سماجی کارکان نے ان تمام خواتین کو سی اے اے، این آرسی، این پی آر کے متعلق جانکاری فراہم کی ۔

شہریت کے مسئلہ پرملک بھر میں کیوں بحث ہورہی ہے، سی اے اے قانون کے کیا اثرات ہوں گے ، ان تمام باتوں سے خواتین کو واقف کروایاگیا۔

احتجاجی جلسہ کے ذریعہ اس بات پر بھی زور دیا گیا کہ خواتین ملک اور ملت کے موجودہ حالات کو بخوبی سمجھیں۔ تعلیمی، سماجی مسائل کے حل کیلئے خواتین بھی آگے آئیں۔

اس موقع پرفیض احمد فیض کی نظم ہم دیکھیں گے بھی پڑھی گئی۔

چامراج پیٹ کے گڈد ہلی علاقہ میں مقامی سماجی کارکنوں کی کوشش سے یہ احتجاجی جلسہ منعقد ہوا۔ ( تصاویر : روف احمد ہلور ) ۔