خود سے 20 سال بڑی معشوقہ کے چکر میں 25 سالہ لڑکے کا عشق میں ہوا خطرناک حال

ناسک۔: مہاراشٹر (Maharashtra) کے ناسک (Nashik) ضلع میں دل دہلا دینے والا معاملہ سامنے آیا ہے۔ یہاں ایک 25 سالہ شخص کا 20 سال بڑی خاتون سے محبت کرنا جان لیوا ثابت ہوا ہے۔ الزام ہے کہ اس خاتون نے شادی کے لیے اسے جسمانی اور ذہنی تشدد کا نشانہ بنایا جس سے دلبرداشتہ ہوکر اس نے خودکشی کرلی۔ اپنے عاشق کی خودکشی سے خوفزدہ خاتون نے اس کی لاش سڑک پر پھینک کر اسے حادثہ دکھانے کی کوشش کی تھی۔

اسسٹنٹ مدھوکر گاویت نے بتایا کہ 26 فروری کو ہائی وے پر ایک نوجوان کی لاش ملی تھی۔ پولیس کی ابتدائی تحقیقات میں نوجوان کی شناخت بھوساول کے 25 سالہ رمیش رویندرا مورے کے طور پر ہوئی تھی۔ اس کے بعد جب پولیس ٹیم ان کے گھر پہنچی تو پتہ چلا کہ وہ ناسک کے اوجھر علاقے میں رہتا تھا۔

گزشتہ ایک سال سے اس کا ایک خاتون کے ساتھ معاشقہ چل رہا تھا۔ لواحقین نے الزام لگایا کہ خاتون ان کے بیٹے کو شادی کے لیے ذہنی طور پر ہراساں کر رہی تھی۔

پوسٹ مارٹم رپورٹ میں ہو انکشاف
لواحقین سے رابطے کی وجہ سے کچھ سراغ پولیس کے ہاتھ لگے۔ اس دوران پولیس کو پوسٹ مارٹم رپورٹ بھی مل گئی۔ اس رپورٹ میں پھانسی کی وجہ سے موت کا انکشاف ہوا ہے

پولس نے نئے سرے سے تفتیش کی تو پتہ چلا کہ رمیش نے اپنی گرل فرینڈ کے گھر پھانسی لگا ئی تھی۔ اس کی موت کا علم ہونے کے بعد، گرل فرینڈ نے اپنے 20 سالہ بیٹے اور ایک دوست کے ساتھ مل کر اس کی لاش سڑک پر پھینک دی۔ اس طرح اس نے خودکشی کے اس معاملے کو سڑک حادثہ بنانے کی کوشش کی۔

بس میں ملاقات کے دوران پروان چڑھا تھا پیار
بس میں سفر کے دوران رمیش کی اس خاتون سے ملاقات ہوئی تھی۔ اس دوران دونوں نے ایک دوسرے کے ساتھ موبائل نمبر شیئر کیا۔ اس کے بعد دونوں کے درمیان بات چیت شروع ہو گئی۔ اس کے بعد دونوں کی قربتیں بڑھ گئیں اور نوجوان اپنی گرل فرینڈ کے گھر رہنے لگا۔ الزام ہے کہ خاتون کا خیال تھا کہ اس کا عاشق اسے چھوڑ کر گاؤں جا کر شادی کر لے گا۔ اسی وجہ سے وہ اسے تشدد کا نشانہ بناتی تھی جس سے پریشان ہوکر اس نے خودکشی کرلی۔