بغیر ہاتھوں کے پیدا ہوئے پینٹر نے پاؤں سے ریلیف فنڈ کیلئے دئے چیک، دل کو چھو لیں گی یہ تصویریں

کہتے ہیں ہمت اور حوصلہ ہو تو انسان کچھ بھی کرسکتا ہے۔ اس کی مثال 21 سال کے پینٹر پرنو نے پہلے ہی پیش کردی ہے۔ ایک ایسا پینٹر جس کی پیدائش بغیر ہاتھ کے ہوئی تھی لیکن ہاتھ نہ رہتے ہوئے بھی ا بے پناہ صلاحیتوں کا حامل نوجوان نے اپنی پینٹنگ سے ہر کسی کا دل جیت لیا ہے۔

کیرالہ کے رہنے والے پرنو بی ایس نے عظیم کرکٹر سچن تیندولکر سے لیکر کئی بڑی ہستیوں کی پینٹنگس بنائی ہیں۔

منگل کو پرنو نے کیرالہ کے وزیر اعلیٰ  پنرائی وجین سے ملاقات کی۔ اس دوران انہوں نے وزیر اعلیٰ کو چیف منسٹر ڈسٹریس ریلیف فنڈ کیلئے چیک دیا۔ خاص بات یہ رہی کہ انہوں نے یہ چیک پاؤں سے سونپا۔ اس کے بعد انہوں نے وزیر اعلی کے ساتھ سیلفی بھی لی۔

وزیر اعلیٰ نے ٹویٹ کرتے ہوئے لکھا ہے کہ یہ ان کیلئے کافی جذباتی لمحہ تھا۔ پرنو نے وزیر اعلیٰ کو ریلیف فنڈ کیلئے چیک بھی دیا۔

بتادیں کہ اس سال 31 اگست کا دن پرنو کیلئے بیحد ہی خاص تھا۔ ا نہوں نے اپنے پسندیدہ کرکٹر سچن تیندولکر سے ملاقات کی تھی۔ انہوں نے سچن کی پینٹنگ بنائی تھی۔ بعد میں انہوں نے یہ تصویر سوشل میڈیا پر شیئر کی تھی۔