خاتون کر رہی تھی یہ غیر قانونی گندہ کاروبار، محلے کے لوگوں نے دیکھا تو مچ گیا ہنگامہ

پولیس کی سست روی اور بدعنوانی سماج میں غیر قانونی کاروبار اور سماجی برائیوں کو بڑھاوا دینے میں مددگار ثابت ہوتی ہے اور یہی وجہ ہے کہ کئی مرتبہ ان برائیوں کے خلاف سماج کو خود کھڑا ہوکر احتجاج کرنے پر مجبور ہونا پڑتا ہے۔

ایسا ہی ایک معاملہ میرٹھ کے کریم نگر علاقے میں بھی سامنے آیا ہے جہاں منشیات کا کاروبار کرنے والی ایک خاتون کے خلاف مقامی لوگوں نے مورچہ کھول دیا ہے اور احتجاجی مظاہرے کے ذریعے محلے میں نشہ آور اشیاء کا کاروبار کرنے والوں کے خلاف کارروائی کا مطالبہ کر رہے ہیں۔

میرٹھ کے کریم نگر علاقے کے وارڈ 80 میں رہنے والے افراد گزشتہ کافی وقت سے علاقے میں پنپ رہے منشیات کے غیر قانونی کاروبار سے پریشان ہیں مقامی لوگوں کا الزام ہے کہ باہر سے آکر محلہ میں رہنے والی ایک خاتون جوئے سٹے اور منشیات کے کاروبار کے ذریعہ علاقے کا ماحول خراب کر رہی ہے اور نئی نسل کو بربادی کر رہی ہے۔

منشیات کا کاروبار کرنے والی خاتون پر کارروائی کو لیکر اب علاقے کے لوگ احتجاجی مظاہرہ کرنے پر مجبور ہیں۔

وہیں جب ہم نے ان الزامات کو لیکر خاتون سے بات کی تو یہ خاتون اپنے خلاف لگائے جا رہے سبھی الزامات کو غلط قرار دیتے ہوئے صفائی پیش کرنے کی ناکام کوشش کرتی نظر آئی۔ علاقے کے لوگوں کے احتجاجی دھرنے کے بعد جہاں اب پولیس حرکت میں آئی ہے اور کاروائی کرنے کی بات کر رہی ہے۔

وہیں شہر کے سماجی اور ملّی ذمہ داران بھی پچھڑے رہائشی علاقوں میں اس طرح کے غیر قانونی دھندوں کے پنپنے کے لیے پولیس انتظامیہ کو قصوروار قرار دیتے ہوئے سماجی سطح پر بھی بیداری مہم چلانے پر زور دے رہے ہیں۔

رہائشی علاقوں میں منشیات جیسے غیر قانونی کاروبار کے پنپنے کے پیچھے پولیس کی لاپرواہی یا بدعنوانی سے انکار نہیں کیا جا سکتا یہی وجہ ہے کہ ایسے غیر سماجی افراد کے خلاف کارروائی نہ ہونے پر مقامی لوگوں کو احتجاج کے لیے مجبور ہونا پڑتا ہے۔ علامتی تصویر۔(Shutterstock)۔

اں منشیات کا کاروبار کرنے والی ایک خاتون کے خلاف مقامی لوگوں نے مورچہ کھول دیا