ہنی مون پر گیا تھا شادی شدہ جوڑا، شوہر کو بیہوش کرکے فلمی اسٹائل میں بیوی نے کر ڈالا کچھ ایسا، سی سی ٹی وی سے کھلا راز

علی گڑھ: اتر پردیش کے علی گڑھ ضلع میں ایک عجیب واقعہ پیش آیا۔ شوہر ہنی مون کے لیے اتراکھنڈ گیا تو بیوی اسے چھوڑ کر اپنے عاشق کے ساتھ فرار ہوگئی۔

بھاگنے سے پہلے بیوی نے شوہر کو نشہ آور چیز سونگھا کر بے ہوش کردیا تھا۔ شوہر کو معلوم ہوا ہے کہ اس کی بیوی پہلے ہی لو میرج کر چکی ہے۔ وہ اب پولیس سے مدد کی گہار لگا رہا ہے۔

جانکاری کے مطابق یہ معاملہ سول لائن تھانہ علاقہ کا ہے۔ یہاں ایک نوجوان کی شادی آگرہ کینٹ میں رہنے والی لڑکی سے گزشتہ سال 28 نومبر کو ہوئی تھی۔ شادی کی ساری تقریب علی گڑھ کے گیسٹ ہاؤس میں ہی ہوئی تھیں۔

شادی کے بعد 8 دسمبر کو میاں بیوی ہنی مون کے لیے دہرادون چلے گئے۔ یہاں کے بعد وہ مسوری گئے اور پھر رشی کیش پہنچے۔

جاگرن میں شائع خبر کے مطابق بتایا جاتا ہے کہ رشی کیش کے جس ہوٹل میں دونوں ٹھہرے تھے، خاتون نے رات کو اپنے شوہر کو نشہ آور چیز سونگھائی اور پھر وہ اسے بے ہوش کر کے فرار ہو گئی۔

نوجوان کو جب ہوش آیا تو پاؤں تلے سے زمین کھک گئی۔ بیوی کے کہیں نظر نہ آنے پر اس نے ہوٹل کے اسٹاف سے دریافت کیا۔ اس کے بعد بھی جب خاتون نہیں ملی تو پولیس کو اطلاع دی گئی۔ نوجوان نے پولیس کو بتایا کہ اس کے پیسے اور زیورات بھی غائب ہیں۔

اس کے بعد پولیس نے سی سی ٹی وی فوٹیج نکالی۔ اس فوٹیج میں لڑکی اکیلی کہیں جاتی دکھائی دے رہی ہے۔ اس کے بعد اس کے بارے میں کچھ معلوم نہیں ہو سکا۔ آنا فانا میں نوجوان اپنے گھر واپس علی گڑھ پہنچا۔ اس نے لڑکی کے گھر والوں کو فون کیا تو وہ ٹال مٹول کرنے لگے۔ لیکن بعد میں پتہ چلا کہ لڑکی پہلے ہی اپنے عاشق سے شادی کر چکی ہے۔ نوجوان اب مدد کے لیے پولیس کے چکر لگا رہا ہے۔