سی اے اے مخالف احتجاج: آرٹ اورپینٹگ کے ذریعہ شاہین باغ میں آج احتجاج کا انوکھا انداز، دیکھیں تصاویر

شہریت ترمیمی قانون کے خلاف پورے ملک میں ہونے والے احتجاج میں دارالحکومت دہلی کے شاہین باغ اور جامعہ ملیہ اسلامیہ  نے ایک نئی عبارت لکھی ہے۔ جامعہ نگر کے شاہین باغ علاقے میں خواتین اس قانون کے خلاف تقریباً ایک ماہ سے تحریک چلا رہی ہیں۔ یہ تحریک ہر روز ایک نئی اور انوکھی شکل اختیار کرتی جارہی ہے۔ آج یہاں جو آرٹ اور فنون کی مثال پیش کی گئی ہے، اس کو دیکھنےکےلئے ہزاروں کی تعداد میں لوگ جمع ہو رہے ہیں۔ اس پینٹنگ کو بنانےکی ذمہ داری جامعہ ملیہ اسلامیہ اور جواہر لال نہرو یونیورسٹی کے طلباء وطالبات نے نبھائی ہے۔ تصویر: اسلم مقبول

شاہین باغ احتجاجی مظاہرے کی جگہ پر جو کیلی گرافی اور خوبصورت پینٹنگ بنائی گئی ہے۔ اس میں فیض احمد فیض کی نظم 'لازم ہےکہ ہم بھی دیکھیں گے' لکھی گئی ہے اور اس نظم کےلئے ایک دل نما آرٹ بنایا گیا ہے۔ تصویر: اسلم مقبول

شاہین باغ میں احتجاج کے مقام پر سڑک پر پینٹنگ بناتے ہوئے جامعہ ملیہ اسلامیہ کے طلباء  وطالبات، جن کو دیکھنے کےلئے بڑی تعداد میں لوگ جمع ہوئے ہیں اور طلباء کی حوصلہ افزائی کررہے ہیں۔

پینٹنگ میں فیض احمد فیض کی نظم کی لائنیں بھی لکھی گئی ہیں۔  اس کے علاوہ مختلف طرح کے جملے درج کئے گئے ہیں۔ اس میں 'پہچان نہیں چھپائیں گے' کی پینٹنگ کی گئی ہے۔ اس پینٹنگ کے ذریعہ طلباء پر ہونے والے حملے کی منظر کشی کی گئی ہے۔ تصویر: اسلم مقبول

شاہین باغ میں بنائے گئے اس آرٹ اور فنون کو دیکھنے کے لئے آج ہزاروں کی تعداد میں لوگ جمع ہوئے۔ اس تصویر میں جو دل دکھائی دے رہا ہے، اس کا مقصد ہے کہ فیض احمد فیض کی نظم ہمارے دل میں ہے۔ تصویر: اسلم مقبول

دارالحکومت دہلی کے شاہین باغ علاقے میں جو پینٹنگ بنائی گئی ہے، اس میں مختلف طرح کے نعرے لکھے گے ہیں۔ ان پینٹنگ کے ذریعہ ایک میسیج دیا جار ہا ہے۔ تصویر: اسلم مقبول

اس پینٹنگ میں ہندوستان کی تہذیب وثقافت اور مذہبی رواداری کو دکھایا گیا ہے۔ اس میں ہندو، مسلم، سکھ اور عیسائی کے اتحاد کو پیش کیا گیا ہے۔ تصویر: اسلم مقبول

شاہین باغ علاقے میں سی اے اے اور این آر سی کی مخالفت میں جاری احتجاجی مظاہرہ گزشتہ سال پندرہ دسمبر کو شروع ہوا تھا۔ تقریبا تین ہفتہ سے زائد کی مدت گزر جانے کے باوجود بھی مظاہرہ میں شامل مرد وخواتین اور بچوں کا حوصلہ وجذبہ کم ہونے کے بجائے دن بدن بڑھتا ہی جا رہا ہے۔ آئے دن مظاہروں میں تیزی آ رہی ہے۔ اسی ضمن میں یہاں نئی دہلی کے انڈیا گیٹ کی طرز پر من وعن بنایا گیا۔ یہ مصنوعی انڈیا گیٹ لوگوں کی توجہ کا مرکز بنا ہوا ہے۔