ٹیچر، سائندسداں اور پھر صدر بننے تک کا اے پی جے عبد الکلام کا سفر، جانیں اخبار بیچنے والے کی 'Missile Man' بننے کی کہانی

ہندستان کے 11 ویں صدر ڈاکٹر اے پی جے عبدالکلام (Dr APJ Abdul Kalam) کو لوگ ان کے نام سے کم اور کام سے زیادہ جانتے تھے۔ پورا ملک ڈاکٹر عبدالکلام کو ملک ان کی سادگی اور کامیابی کی طرف راغب کرنے والی باتوں سے لیکر ڈاکٹر عبدالکلام کے میزائیل مین بننے اور ان کے کامیاب سفر کے بارے میں ان کے خاص دن 15 اکتوبر یوم پیدائش پر ان کے اس بہترین سفر کو یاد کر رہا ہے۔

آج سابق صدر جمہوریہ ہند اے پی جے عبدالکلام کی سالگرہ ہے ، جنہوں نے ہندوستان کے میزائل اور ایٹمی ہتھیاروں کے پروگرام کو مضبوط اور ناقابل تسخیر بنایا۔ اوول پا کر زین العابدین عبدالکلام (Avul Pakir Zainulabdeen Abdul Kalam) نے ملک کے 11 ویں صدر کی حیثیت سے خدمات انجام دیں۔ وہ 15 اکتوبر 1931 کو رامیشورم میں پیدا ہوئے۔ انہوں نے تمل ناڈو سے ہی فزکس اور ایرو اسپیس انجینئرنگ کی تعلیم حاصل کی۔

ڈاکٹر کلام نے اپنی زندگی کے چار عشرے ڈی آر ڈی او اور اسرو میں بطور سائنسدان گزارے۔ 2002 میں عبدالکلام ہندوستان کے 11 ویں صدر منتخب ہوئے۔ انہیں اس وقت حکمران بی جے پی اور اپوزیشن کانگریس پارٹی دونوں کی حمایت حاصل تھی۔ ڈاکٹر کلام کو بھارت رتن ایوارڈ سے بھی نوازا گیا ہے۔

اے پی جے عبدالکلام کو ان کے یوم پیدائش کے موقع پر ملک یاد کررہا ہے۔انھیں خراج عقیدت پیش کیا جارہا ہے۔ کلام وہ شخصیت ہیں جس نے ہندوستان کو نئی بلندی پر پہنچایا۔ ان کی زندگی ہم سب لوگوں کے لئے حوصلہ افزا ہے۔ 'میزائل مین' کلام آخر کیسے بنے اس ملک کے صدر یہ کہانی بھی انتہائی دلچسپ ہے۔ اپنی کتاب 'دی ٹرننگ پوائنٹ' میں کلام نے ذکر کیا ہے کہ کس طرح وہ ملک کے صدر بنے۔ پڑھیں، اس کتاب کے کچھ اقتباسات۔

کلام نے لکھا ہے کہ 10 جون 2002 کی صبح ریسرچ کے پروجیکٹوں پر پروفیسروں اور طالب علموں کے ساتھ میں کام کر رہا تھا، جہاں میں دسمبر 2001 کے بعد سے کام کر رہا تھا۔

یہ دن اننا یونیورسٹی کے خوبصورت ماحول میں کسی بھی دوسرے دن کی طرح تھا۔ میری کلاس میں گنجائش 60 طالب علموں کی تھی، لیکن ہر لیکچر کے دوران، 350 سے زائد طالب علم پہنچ جاتے تھے۔

میرا مقصد اپنے کئی قومی مشن سے اپنے تجربات کا اشتراک کرنے کا تھا۔

دن بھر کے لیکچر کے بعد شام کو میں جب لوٹا تو اننا یونیورسٹی کے وائس چانسلر پروفیسر کلا ندھی نے بتایا کہ میرے آفس میں دن میں کئی بار فون آئے اور کوئی بڑی شخصیت مجھ سے رابطہ کرنا چاہتی ہے۔

جیسے ہی میں اپنے کمرے میں پہنچا تو دیکھا کہ فون کی گھنٹی بج رہی تھی۔ میں نے جیسے ہی فون اٹھایا دوسری طرف سے آواز آئی کہ وزیر اعظم آپ سے بات کرنا چاہتے ہیں۔

میں وزیر اعظم سے فون کنیکٹ ہونے کا انتظار ہی کر رہا تھا کہ آندھرا پردیش کے اس وقت کے وزیر اعلی چندرا بابو نائیڈو کا میرے سیل فون پر فون آیا۔

نائیڈو نے کہا کہ وزیر اعظم اٹل بہاری آپ سے کچھ اہم بات کرنے والے ہیں اور آپ انہیں منع مت کیجئے گا۔ میں نائیڈو سے بات کر ہی رہا تھا کہ اٹل بہاری واجپئی سے کال کنیکٹ ہو گئی۔

واجپئی نے فون پر کہا کہ کلام آپ کی تعلیمی زندگی کیسی ہے؟ میں نے کہا بہت اچھی۔ واجپئی نے آگے کہا کہ میرے پاس آپ کے لئے بہت اہم خبر ہے، میں اب اتحاد کے تمام رہنماؤں کے ساتھ ایک اہم میٹنگ کرکے آ رہا ہوں اور ہم سب نے فیصلہ کیا ہے کہ ملک کو آپ کی ایک صدر کے طور پر ضرورت ہے۔ میں نے آج رات اس کا اعلان نہیں کیا ہے، آپ کی رضامندی ضروری ہے۔

واجپئی نے کہا کہ میں صرف ہاں چاہتا ہوں نا نہیں۔ میں نے کہا کہ این ڈی اے تقریباً دو درجن پارٹیوں کا اتحاد ہے اور کوئی ضروری نہیں کہ ہمیشہ اتحاد برقرار رہے۔

اپنے کمرے میں پہنچنے کے بعد میرے پاس اتنا بھی وقت نہیں تھا کہ میں بیٹھ بھی سکوں۔ مستقبل کو لے کر میری آنکھوں کے سامنے کئی چیزیں نظر آنے لگیں، پہلی ہمیشہ طالب علموں اور پروفیسروں کے درمیان گھرے رہنا اور دوسری طرف پارلیمنٹ میں ملک کو خطاب کرنا۔

یہ سب میرے دماغ میں گھومنے لگا، میں نے واجپئی جی کو کہا کہ کیا آپ مجھے یہ فیصلہ لینے کے لئے 2 گھنٹے کا وقت دے سکتے ہیں؟ یہ بھی ضروری تھا کہ صدر کے عہدے کے امیدوار کے طور پر میری نامزدگی پر تمام جماعتوں کی رضامندی ہو۔

واجپئی جی نے کہا کہ آپ کی ہاں کے بعد ہم متفقہ طور پر کام کریں گے۔ اگلے دو گھنٹوں میں میں نے اپنے قریبی دوستوں کو قریب 30 کال کئے، جس میں بہت سے سول سروسز سے تھے تو کچھ سیاست سے وابستہ لوگ تھے۔ ان سب سے بات کرکے دو رائے سامنے آئی۔ ایک رائے تھی کہ میں تعلیمی زندگی کا لطف لے رہا ہوں، یہ میرا جنون اور پیار ہے، مجھے اسے پریشان نہیں کرنا چاہئے۔ وہیں دوسری رائے تھی کہ میرے پاس موقع ہے بھارت 2020 مشن کو ملک اور پارلیمنٹ کے سامنے پیش کرنے کا۔ ٹھیک 2 گھنٹے بعد میں نے واجپئی جی کو فون کیا اور کہا کہ میں اس اہم مشن کے لئے تیار ہوں۔ واجپئی جی نے کہا شکریہ۔

پندرہ منٹ کے اندر یہ خبر پورے ملک میں پھیل گئی۔ تھوڑی ہی دیر کے بعد میرے پاس فون کالز کا سیلاب آ گیا۔ میری سیکورٹی بڑھا دی گئی اور میرے کمرے میں سینکڑوں لوگ جمع ہو گئے۔ اسی دن واجپئی جی نے اپوزیشن کی لیڈر سونیا گاندھی سے بات کی۔ جب سونیا نے ان سے پوچھا کہ کیا این ڈی اے کی پسند فائنل ہے تو وزیر اعظم نے مثبت جواب دیا۔ سونیا گاندھی نے اپنی پارٹی کے ارکان اور اتحادی جماعتوں سے بات کر میری امیدواری کے لئے حمایت کی۔

مجھے اچھا لگتا اگر مجھے لیفٹ کی بھی حمایت حاصل ہوتی، لیکن انہوں نے اپنا امیدوار نامزد کیا۔ صدر کی امیدواری کے لئے میری منظوری کے بعد میڈیا کی طرف سے مجھ سے کئی سوال پوچھے جانے لگے۔ بہت سے لوگوں نے پوچھا کہ کوئی غیر سیاسی شخص اور خاص طور پر سائنسداں کس طرح صدر بن سکتا ہے۔

تو اس طرح ڈاکٹر اے پی جے عبدالکلام، 25 جولائی کو صدر بنے۔ کل دو امیدواروں میں کلام کو 9 لاکھ 22 ہزار آٹھ سو چوراسی ووٹ ملے۔ وہیں لیفٹ حامی امیدوار کیپٹن لکشمی سہگل کو 107366 ووٹ ملے۔ وہ ایسے پہلے صدر ہیں جن کا سیاست سے کبھی دور کا بھی تعلق نہیں رہا۔ یہ ہندوستان کے نائب صدر نہیں بنے، براہ راست صدر بنائے گئے۔

ڈاکٹر اے پی جے عبدالکلام وہ شخص تھے جو پائلٹ بننا چاہتے تھے لیکن کچھ وجوہات سے وہ پائلٹ نہیں بن سکے۔ انہوں نے پھر بھی ہمت نہیں ہاری۔ زندگی نے جو کچھ ان کے سامنے رکھاانہوں نے اسے آسانی سے قبول کرلیا۔

ان کا مانناتھا کہ اگر آپ اپنی زندگی میں کچھ  حاصل کرنا چاہتے ہیں تو آپ کا بلند حوصلہ ہی آپ کے کام آئے گا۔ ملک کے سابق صدر اور میزائل مین کے نام سے پہچانے جانے والے اے پی جے عبدالکلام کی یوم پیدائش آج یعنی  15 اکتوبر کوہے۔

ملک اس عظیم شخصیت کو ہمیشہ یاد رکھے گا۔ ان خیال نوجوانوں کو حوصلہ بخشتے ہیں۔ آج کے اس خاص موقع پر ایسے ہی کچھ خیالات کو آئے اپنی زندگی میں اتارتے ہیں۔

زندگی میں پہلی کامیابی کے بعد رکے نہیں کیونکہ  اگر آپ دوسری کوشش میں ناکام ہوگئے تو لوگ یہی کہیں گے کہ آپ کی پہلی کامیابی قسمت سے ملی تھی۔

سبھی چڑیاں بارش میں چھایہ کی تلاش کرتی ہیں۔لیکن گروڑ اس کی پرواہ نہیں کرتا کیونکہ وہ بادلوں کےاوپر اڑتا ہے

انتظار کرنے والوں کو صرف اتنا ہی ملتا ہے جتنا کوشش کرنے والے چھوڑ دیتے ہیں۔
ناکامی کبھی مجھے پچھاڑ نہیں سکتی کیونکہ میری کامیابی کی تعریف بہت مضبوط ہے۔

زندگی میں مشکلیں ہمیں برباد کرنے کیلئے نہیں آتی ہیں بلکہ یہ ہماری چھپی ہوئی طاقتوں کو باہر نکالنے میں ہماری مدد کرتی ہیں۔ مشکلات کو یہ جان لینے دو کہ آپ اس سے بھی زیادہ مشکل ہو۔

خواب وہ نہیں ہے جو آپ نیند میں دیکھیں، خواب وہ ہے جو آپ کو نیند ہی نہ آنے دے۔

डॉ एपीजे अब्दुल कलाम (Dr APJ Abdul Kalam) को ताउम्र पढ़ने पढ़ाने का शौक रहा था. (तस्वीर: Wikimedia Commons)

भारत के मिसाइल कार्यक्रमों की सफलता के पीछे भी डॉ एपीजे अब्दुल कलाम (Dr APJ Abdul Kalam) का ही सबसे बड़ा हाथ था. (तस्वीर: Wikimedia Commons)