شادی کی پہلی رات دلہن کے کمرے میں دوستوں کو لے آیا شوہر، پھر مل کر منائی سہاگ رات، دلہن نے سنایا درد

اٹاوہ۔ اتر پردیش کے اٹاوہ میں دلہن Bride نے دولہا اور اس کے دو دوستوں پر گینگ ریپ Gangrape کا الزام لگا کر سنسنی مچا دی۔ یہ واقعہ اٹاوہ ضلع کے چوبیا علاقے کے پارولی رمن گاؤں کا ہے۔ متاثرہ دلہن کو بدھ کی دیر شام علاج کے لیے ڈاکٹر بھیم راؤ امبیڈکر اسٹیٹ جوائنٹ اسپتال میں داخل کرایا گیا ہے۔

متاثرہ کے والد کی جانب سے دولہا اور اس کے دو دوستوں کے خلاف چوبیا تھانے میں اجتماعی عصمت دری کا مقدمہ درج کیا گیا ہے۔ پولیس نے ملزموں کی تلاش شروع کر دی ہے۔ واقعہ کی اطلاع ملتے ہی پولیس سپرنٹنڈنٹ دیہی اوم ویر سنگھ موقع پر پہنچ گئے اور تحقیقات شروع کر دیں۔

خاتون نے اپنے شوہر کے ساتھ ساتھ اس کے دو نامعلوم دوستوں پر گینگ ریپ کا الزام لگایا ہے۔ اسپتال پہنچنے کے بعد پولیس اہلکاروں نے خاتون کے الگ الگ بیانات درج کیے ہیں۔

بیان ریکارڈ کرنے کے بعد خاتون کے والد کی جانب سے دی گئی درخواست کی بنیاد پر دولہے اور اس کے دوستوں کے خلاف چابیا تھانے میں مقدمہ درج کرکے ملزمان کی گرفتاری کی ہدایت دی گئی ہے۔

متاثرہ خاتون جہاں انصاف کی التجا کرتی نظر آرہی ہے وہیں متاثرہ کی والدہ بھی ملزموں کے خلاف سخت کارروائی کا مطالبہ کررہی ہیں۔ اکدل علاقے کے ایک گاؤں میں رہنے والی دلت برادری کی لڑکی کی شادی 28 نومبر کو چوبیا علاقے سے ہوئی تھی۔

شادی شدہ خاتون کی والدہ کا الزام ہے کہ رخصتی کے دن اس کے داماد نے اپنے دو دوستوں کے ساتھ مل کر بیٹی کو نشہ آور چیز پلا کر اجتماعی آبرو ریزی کی جس کی وجہ سے ان کی بیٹی کی حالت بگڑ گئی اور اسے شہر کے ایک نجی اسپتال میں داخل کرایا گیا بعد میں انہیں فون کرکے بتایا گیا کہ بیٹی کی طبیعت خراب ہے، وہ اسپتال میں داخل ہے۔

اطلاع ملنے پر وہ لوگ موقع پر پہنچے تو سسرال والے اسپتال سے بھاگ گئے۔ ڈاکٹروں نے بتایا کہ ان کی بیٹی کے ساتھ مار پیٹ اور ریپ کیا گیا ہے۔

ملزمان کے خلاف مقدمہ درج
ایٹاوہ کے پولیس سپرنٹنڈنٹ دیہی اوم ویر سنگھ نے بتایا کہ پولیس کو اطلاع ملی کہ ایک نئی شادی شدہ خاتون اسپتال میں زیر علاج ہے جس کی جانب سے بتایا گیا ہے کہ اس کے ساتھ اس کے شوہر اور اس کے دو دوستوں نے نشہ آور چیز کھلا کر اجتماعی عصمت دری کی واردات کو انجام دیا ہے جس کی بنیاد پر خواتین پولیس افسران اور دیگر افراد موقع پر پہنچ گئے اور متاثرہ لڑکی اور اس کی والدہ سے مختلف بیانات لیے۔

متاثرہ دلہن کے والد کی درخواست پر تھانے میں مقدمہ درج کر کے ملزموں کے خلاف کارروائی شروع کر دی گئی ہے۔