تیرہ سو پینسٹھ روپئے میں دلی سے لیہہ پہنچائے گی یہ بس، انتہائی خوشگوارہو گا یہ سفر

اس موسم گرما میں اگر آپ آفس کی تھکاوٹ دور کرنے کے لئے کہیں جانے کا پلان کر رہے ہیں تو آپ لیہہ کی حسین وادیوں میں جا سکتے ہیں۔ اگر آپ سوچ رہے ہیں کہ لیہہ جانے میں آپ کو کافی مشکلات کا سامنا کرنا پڑ سکتا ہے تو ہم آپ کو یہاں نئی دہلی سے لیہہ کے لئے شروع ہوئی نئی بس سروس کے بارے میں بتاتے ہیں۔

جی ہاں، ہماچل روڈ ٹرانسپورٹ کارپوریشن نے ہر سال کی طرح اس سال بھی دہلی سے لیہہ تک بس سروس شروع کر دی ہے۔ دہلی سے لیہہ کا فاصلہ 1050 کلومیٹر ہے جسے یہ بس 33 گھنٹوں میں پورا کرے گی۔

اس بس کا کرایہ سن کر آپ کو لگ سکتا ہے کہ ہم مذاق کر رہے ہیں لیکن ایسا نہیں ہے۔ بس سے ایک طرف کا سفر محض 1365 روپے ہے۔ دہلی سے لیہہ کا یہ سفر بہت سے خوبصورت مقامات سے ہو کر گزرتا ہے اس لئے یہ سفر آپ کے لئے ایک یادگار سفر ثابت ہوگا۔

یہ بس آپ کو دہلی سے چندی گڑھ اور یہاں سے لیہہ لے جائے گی۔ اس سفر کو تین ڈرائیور پورا کرتے ہیں۔ 36 گھنٹے کے سفر میں ریاستی ٹرانسپورٹ کارپوریشن کے تین ڈرائیور اسے چلاتے ہیں۔ ہم آپ کو بتاتے ہیں کہ آپ کا یہ سفر کن مقامات سے ہوکر گزرے گا۔

سفر کی اگلی منزل ہو گی شملہ کی منڈی جہاں موجود پہاڑیاں آپ کے سفر میں چار چاند لگا دیں گی۔

لداخ میں تانگلانگ لا کی 17480 فٹ کی یہ بلند پہاڑی سفر کی اگلی منزل ہو گی۔

تانگلانگ لا کی پہاڑیوں کا سفر تھوڑا مشکل ضرور ہوتا ہے لیکن مہم جوئی سے بھرپور ہوتا ہے۔

آکسیجن کی کمی کی وجہ سے یہاں مشکلات ہوتی ہیں لیکن یہاں بلٹ سے ڈرائیو کرنا آپ کی مہم جوئی کو بڑھاتا ہے۔

لیہہ منالی ہائی وے پر موجود لاچولونگ لا پہاڑ 16600 فٹ اونچا ہے۔ یہاں آپ کو سانس لینے میں تھوڑا مسئلہ ہو سکتا ہے۔

جب آپ کی بس پیر پانجل کی وادیوں سے گزرے گی آپ وہاں کے انوکھے نظارے سے روبرو ہوں گے۔

یہاں خوبصورت ہریالی سے آراستہ وادیوں سے گزرنا آپ کو کسی فلمی سین کی یاد دلا سکتا ہے۔

سفر کا اگلا پڑاؤ برف سے ڈھکی ہوئی بارالاچا لا کی وادیاں ہوں گی۔

لاہول میں درچا ایک منفرد گاؤں ہے جو منالی لیہہ ہائی وے پر ہی ہے۔ سفر کے دوران آپ یہاں سے بھی گزریں گے۔

روہتانگ لا اپنے شاندارمناظر کے لئے جانا جاتا ہے۔ 13000 فٹ پر موجود اس جگہ پر حادثات بھی بہت ہوتے ہیں۔

اسنوبال کھیلنے کے لئے بھی روہتانگ لا آپ کے لئے ایک کامل جگہ ہوسکتی ہے۔

لیہہ منالی ہائی وے پر سرچو کیمپ کے لئے ایک اچھی جگہ ہو سکتی ہے۔

سرچو کی خوبصورتی دیکھ کر آپ کا دل کرے گا کہ یہ سفر یہیں تھم جائے بس۔