آٹوسے لیکر ہوائی سفر تک ہوسکتا ہے بیحد سستا! وزارت پٹرولیم تیار کر رہی ہے نئی تجویز

نئی دہلی: نیچرل گیس اور ٹربیونل فیول(اے ٹی ایف) کوگڈس اینڈ سروسز ٹیکس جی ایس ٹی میں لانے کیلئے وزارت پٹرولیم نئی تجویز تیار کررہی ہے۔ اسے جلد ہی وزارت خزانہ کو سونپا جائے گا۔ ذرائع سے ملی جانکاری کے مطابق اس کیلئے کمپنیوں سے نوٹس منگائے گئے ہیں تاکہ یہ معلوم چل سکے کہ اس سے کمپنیوں پر کتنا معاشی بوجھ بڑھ رہا ہے۔

نیچرل گیس اور اے ٹی ایف اگر جی ایس ٹی میں آگئے تواس سے آٹو سے لیکر ہوائی سفر تک سستا ہو سکتا ہے۔  جس سے عام آدمی کو راحت ملے گی۔

آپ کو بتادیں کہ الگ۔ الگ وزارتوں کی وزارت خزانہ کے ساتھ ایک میٹنگ ہونے والی ہے۔ ذرائع کے مطابق نیچرل گیس کے مسئلے پر پٹرولیم کے علاوہ وزارت توانائی اور وزارت اسٹیل کی میٹنگ ہوگی۔ اس میں اس بات پر چرچا ہوگی کہ کمپنیوں کے اوپر اس کا کتنا معاشی بوجھ پڑے گا۔

وزارت پٹرولیم مسلسل نیچرل گیس اور اے ٹی ایف کو جی ایس ٹی کے دائرے میں لانے کی بات کر رہی ہے۔

بتادیں کہ یہ تجویز مودی حکومت کے پہلے دور میں بھی کی گئی تھی۔ لیکن جی ایس ٹی کونسل میں اس پر بات نہیں ہوپائی تھی۔