شوہر نے دوستوں کے ساتھ مل کر کی بیوی کی اجتماعی عصمت دری، 6لوگوں کے خلاف FIRدرج، سبھی ملزم فرار

چنڈی گڑھ: امرتسر کے دھارڑ گاؤں میں 20 سالہ لڑکی کے اجتماعی عصمت دری کا معاملہ سامنے آیا ہے۔ خاتون کا الزام ہے کہ اس کا شوہر اس کے 5 دیگر دوستوں کے ساتھ اجتماعی عصمت دری میں ملوث تھا۔

یہ واقعہ 7 جنوری کو پیش آیا جبکہ خاتون نے منگل کو پولیس کو اپنی شکایت دی تھی۔ پولیس نے اس سلسلے میں جنڈیالہ گرو غلہ منڈی کے اس کے شوہر فاروق سمیت چھ افراد کے خلاف مقدمہ درج کر لیا ہے تمام ملزمان فرار ہیں جن کی تلاش جاری ہے۔

شوہر کے ساتھ ہوتا تھا جھگڑا: معلومات کے مطابق متاثرہ جو کہ اصل میں جموں و کشمیر کے ادھم پور علاقے کی رہنے والی ہے، اب اپنے بھائیوں کے ساتھ منوالہ کلاں میں رہتی ہے۔ پولیس کو دی گئی شکایت میں اس نے کہا کہ اس کی شادی ڈیڑھ سال قبل فاروق سے ہوئی تھی۔

متاثرہ خاتون نے بتایا کہ شادی کے ایک سال بعد ہی ایک حادثے کی وجہ سے اس کی ٹانگ ٹوٹ گئی تھی جس کے بعد اس کا شوہر آئے دن اسے پریشان کرتا رہتا تھا اور اس کا علاج بھی نہیں کروا رہا تھا۔ روز روز کے جھگڑوں کی وجہ سے اس کا شوہر اسے بھائیوں کے پاس اس کے میکے چھوڑ گیا تھا۔ اس کے بھائیوں نے خاتون کا علاج کروایا جس کے بعد وہ چلنے پھرنے لگی۔

اپنے شوہر کے بلانے پر گئی تھی خاتون
خاتون نے بتایا کہ 7 جنوری کو فاروق نے اسے جنڈیالہ گرو کے والمیکی چوک کے قریب بلایا۔ جب وہ وہاں پہنچی تو فاروق اسے موٹر سائیکل پر جھاڑیوں کے درمیان ایک الگ تھلگ جگہ پر لے گیا جہاں اس کے پانچ دوست پہلے سے انتظار کر رہے تھے۔ خاتون نے بتایا کہ تمام ملزمان نے اس کے ساتھ زیادتی کی اور اسے وہیں چھوڑ کر فرار ہو گئے۔