دانت نکلوانے ڈاکٹر کے پاس پہنچی خاتون کے ساتھ بیہوش کرکے کیا سیکس، اور بنایا ویڈیو، پھر شوہر سے بتائی آپ بیتی

بریلی۔ یوپی کے بریلی (Bareilly) ضلع کے سید پور علاقے میں ایک ڈاکٹر نے اپنے ہی ڈینٹل کلینک میں خاتون کو نشہ آور انجکشن دیکر ریپ (Rape) کیا۔ اس دوران ڈاکٹر نے اس کی فحش ویڈیو بھی بنائی۔ خاتون کا الزام ہے کہ شکایت کرنے پر اس نے ویڈیو وائرل کر دیا اور جان سے مارنے کی دھمکی دی۔

متاثرہ خاتون کی شکایت پر ڈاکٹر کے خلاف عزت نگر پولیس اسٹیشن میں مقدمہ درج کیا گیا ہے۔ خاتون کا طبی معائنہ کیا گیا جہاں ابتدائی تحقیقات میں خاتون کے ساتھ ریپ کی تصدیق ہو گئی ہے۔

معاملہ عزت نگر تھانہ علاقہ کے سید پور علاقہ کا ہے۔ معلومات کے مطابق سید پور ہاکنس کے رہنے والے ایک پراپرٹی ڈیلر کی بیوی دانت میں درد ہو رہا تھا جس پر وہ 16 اکتوبر کو پرکاش ڈینٹل لیب میں ڈاکٹر رویندر کو دکھانے کیلئے گئی تھی۔

ڈاکٹر نے خاتون سے کہا کہ دانت نکالنے کے بعد دوسرا دانت لگا دیں گے۔ ڈاکٹر رویندر نے خاتون کو اپنے کلینک پر بلایا۔ خاتون جب کلینک پر گئی تو اس وقت وہاں کوئی نہیں تھا۔

ڈاکٹر نے کلینک کا دروازہ بند کر کے پردہ ڈال دیا۔ اس کے بعد خاتون کو نشہ آور انجکشن لگا کر بے ہوش کر دیا۔ اس کا دانت اکھاڑا، اس کے بعد اس نے خاتون کا جنسی استحصال کیا اور اس کا ویڈیو بنا لیا۔

خاتون کو جب ہوش آیا تو اس کے کپڑے ادھر۔ادھر بکھرے ہوئے تھے۔ خاتون نے اس کی شکایت ڈاکٹر سے کی جس پر ڈاکٹر نے اسے دھمکی دی کہ ویڈیو وائرل کر دے گا۔ اس کی وجہ سے خاتون ڈر گئی، وہ اپنے گھر میں خاموش اور پریشان رہنے لگی۔

3 نومبر کو جب پراپرٹی ڈیلر شوہر نے مزید پوچھا تو خاتون نے ڈاکٹر کے کرتوت کے بارے میں بتایا۔ اس نے بتایا کہ ڈاکٹر نے اس کے ساتھ غلط کام کرتے ہوئے اس کی ویڈیو وائرل کرنے کی دھمکی دی ہے جس کے بعد کیس کی تحریر عزت نگر پولیس اسٹیشن کو دی گئی۔ انسپکٹر عزت نگر نے بتایا کہ خاتون کی شکایت پر ڈاکٹر رویندر کے خلاف مقدمہ درج کر لیا گیا ہے۔