دہلی کی شاہی جامع مسجد میں افطاری کا روح پرور منظر

دہلی کی تاریخی شاہی جامع مسجد ہندوستان کی بڑی اور معروف ترین مساجد میں سے ایک ہے۔ یہ مسجد اکثر وبیشتر نمازیوں اور زائرین سے بھری رہتی ہے۔ اس تاریخی مسجد کی زیارت کے لئے بڑی تعداد میں سیاح بھی یہاں آتے رہتے ہیں۔ شام کے اوقات میں یہاں کا منظرقابل دید ہوتا ہے۔ جامع مسجد کی رونق لوگوں کو اپنی طرف متوجہ کرتی ہے۔ سال بھر اور بالخصوص رمضان کے مہینہ میں یہاں کی رونق مزید دوبالا ہو جاتی ہے۔ یہاں جامع مسجد ، اطراف کے علاقوں اور دوردراز جگہوں کے مسلمان روزہ افطار کے لئے بڑی تعداد میں پہنچتے ہیں۔ پیش ہیں اسی سلسلہ کی چند روح پرور تصویریں۔

جامع مسجد میں افطار کا ایک روح پرور منظر

جامع مسجد میں مختلف خاندانوں کے افراد روزہ افطار کرتے ہوئے۔

جامع مسجد میں افطار کے لئے جامع مسجد علاقہ اور دور دراز سے لوگ یہاں پہنچتے ہیں۔

افطار میں اپنے اپنے والدین کے ساتھ چھوٹے چھوٹے بچے بھی دیکھے جا سکتے ہیں۔

افطار سے قبل قرآن کی تلاوت میں مصروف خواتین۔

رمضان کے مقدس مہینہ میں دیگر عبادات اور ذکر واذکار کے ساتھ ساتھ زیادہ سے زیادہ قرآن کی تلاوت کی جاتی ہے۔

رمضان کے مہینہ ہی میں قرآن پاک کا نزول ہوا۔

جامع مسجد علاقہ میں ایک دوکاندار عید کے لئے سوئیاں بیچتے ہوئے۔

جامع مسجد علاقہ میں جگہ جگہ پر سوئیوں کی دکانیں سجائی گئی ہیں۔

ایک دوکاندار گاہکوں کے انتظار میں۔