تصاویر : کشمیر میں فوجی کیمپ میں دہشت گردوں کا حملہ

وادی کشمیر میں اتوار کو فوجی کیمپ پر اب تک کے سب سے بڑے فدائین حملے میں 17 فوجی جوان شہید جبکہ سبھی چار فدائین حملہ آور مارے گئے۔

چار فدائین حملہ آوروں نے اتوار کی علی الصبح شمالی کشمیر کے اوڑی سیکٹر میں لائن آف کنٹرول (ایل او سی) کے نزدیک واقع فوجی ہیڈکوارٹر پر حملہ کردیا ۔

طرفین کے مابین شدید گولہ باری کے تبادلے کے نتیجے میں 17 فوجی جوان شہید اور سبھی چار فدائین حملہ آور جو غالباً غیر ملکی ہیں، مارے گئے۔

حملے میں قریب دو درجن دیگر فوجی اہلکار زخمی بھی ہوگئے ہیں ، جنہیں علاج ومعالجہ کے لئے سری نگرکی بادامی باغ فوجی چھاونی میں واقع آرمی بیس اسپتال منتقل کیا گیا ہے۔

ان میں سے متعدد کی حالت تشویش ناک ہے۔

دفاعی تجزیہ کاروں کے مطابق یہ وادی میں 1990 کی دہائی میں شروع ہوئی مسلح شورش کے دوران فوج پر اب تک کا سب سے بڑا حملہ ہے۔