نوجوان بیوی کو چھوڑ بہن کے ساتھ چلا رہا تھا عشق کا چکر، ایک دن گھر والوں نے دیکھا لیا اور بھگتنا پڑا خوفناک انجام

Love Affair and Murder: میرٹھ ضلع کے سردھانا میں قصبہ کے نوجوان شہاب الدین (25) کا اس کی بہن کے ساتھ عشق (Love Affair) کے چلتے قتل Murder) کر دیا گیا۔ پولیس نے بتایا کہ شہاب الدین نے گھر والوں کی پابندیوں کے باوجود تایا کی بیٹی سے ملنا بند نہیں کیا۔ اس پر لڑکی کے گھر والوں نے تین دن قبل شہاب الدین کو پیٹ پیٹ کر بے حال کر دیا تھا۔

علاج کے دوران بدھ کو اسپتال میں اس کی موت ہوگئی۔ پولیس نے لاش کو پوسٹ مارٹم کے لیے بھیج دیا ہے۔ مہلوک کے والد نے تھانے میں تحریری شکایت کی تھی جس کے بعد پولیس نے دو خواتین سمیت چھ لوگوں کے خلاف قتل کا مقدمہ درج کر کے تفتیش شروع کر دی۔

معاملہ تھانہ سردھانا علاقہ کے محلہ دھرم پوری کا ہے۔ معلومات کے مطابق یامین کے بیٹے شہاب الدین (25) کا محلہ دھرم پوری میں اپنے چچا کی بیٹی کے ساتھ معاشقہ رشتہ چل رہا تھا۔

لڑکی کے گھر والوں کو اس بات کا علم ہوا تو انہوں نے اس کی مخالفت کی۔ دوسری جانب محبت کرنے والا یہ جوڑا شادی کرنے کیلئے بضد تھا۔ لڑکی کے گھر والوں کو جب یہ بات پتہ چلی تو انہیں ناگوار گزرا۔ تین روز قبل شہاب الدین اپنے گھر سے کام پر جا رہا تھا۔

الزام ہے کہ اسی دوران لڑکی کے طرف کے لوگوں نے اسے گھیر لیا اور اس کی زبردست پٹائی کردی۔ اہل خانہ نے نوجوان کو تشویشناک حالت میں میرٹھ میں داخل کرایا۔

بدھ کو اسپتال میں علاج کے دوران شہاب الدین کی موت ہوگئی۔ اطلاع ملتے ہی پولیس نے فوری طور پر اسپتال پہنچ کر لاش کو قبضے میں لے کر تفتیش شروع کردی۔

اس کے بعد لاش کو پوسٹ مارٹم کے لیے بھیج دیا گیا۔ دوسری جانب مقتول کے والد یامین نے اپنے بھائی قیوم، بیٹے نعیم الدین، شاہ ویز، جاوید، سبیلہ اور بہو تبسم کے خلاف تھانہ سٹی میں شکایت درج کرادی۔ اس بنیاد پر پولیس نے دو خواتین سمیت چھ افراد کے خلاف قتل کا مقدمہ درج کر لیا ہے۔ پولیس معاملے کی جانچ میں مصروف ہے۔