لاک ڈاون میں ہوئے نکاح کے چارہ ماہ بعد رخصتی کے دن دولہا نے رکھ دی ایسی شرط ، دلہن کے گھروالوں نے سکھادیا سبق

لاک ڈاؤن میں ہوئے نکاح کے چار ماہ بعد رخصتی کے دن دولہا نے لڑکی والوں کے سامنے ایک شرط رکھی ، جس سے لڑکی کے اہل خانہ کافی ناراض ہوگئے اور انہوں نے دولہے اور اس کے گھر والوں کو پکڑ کر پولیس کے حوالے کردیا ۔ یہ واقعہ میرٹھ لسا ڑی گیٹ تھانہ علاقہ کے سہیل گارڈن میں پیش آیا ۔

یہاں کے رہنے والے عاقل نے اپنی بیٹی لائبہ کا نکاح چار ماہ قبل میوگڑھی کے بلال سے کیا تھا ۔ 10 اکتوبر کو رخصتی کی تاریخ طے کی گئی تھی ، لیکن 10 تاریخ کو لڑکی والے دولہا اور اس کے گھروالوں کا انتظار کرتے رہے اور دولہا دلہن کے گھر رخصتی کرانے نہیں پہنچا ۔ (علامتی تصویر) ۔

دلہن کے گھروالوں میں بے چینی پیدا ہوئی تو دولہے کہ گھر والوں سے رابطہ کیا گیا تو معلوم ہوا کہ دلہن کی رخصتی کے لیے دولہے نے ایک بلٹ موٹر سائیکل اور ایک لاکھ روپیے نقد رقم کا مطالبہ کیا ہے ۔ (علامتی تصویر) ۔

عین وقت پر اس طرح کے غیر مناسب مطالبہ پر دلہن کے گھر والے ناراض ہو گئے اور دولہے کی تلاش شروع کر دی ۔ دلہن کے گھر والوں نے دولہے اور اس کی ماں کو پکڑ لیا اور گھر لا کر یرغمال بنا لیا ۔ (علامتی تصویر) ۔

پولیس کو بھی معاملہ کی جانکاری دی گئی ۔ تھانہ لساڑی گیٹ نے دولہا اور اس کی ماں کو حراست میں لے لیا ۔ (علامتی تصویر) ۔

دراصل چار ماہ قبل لاک ڈاؤن کے دوران لائبہ اور بلال کا نکاح سادگی سے پڑھایا گیا تھا ۔ اُس وقت نہ تو بارات آئی اور نہ دعوت کا اہتمام کیا جا سکا ، ایسے میں دلہن اور دولہا کے گھر والوں کی آپسی رضامندی سے اکتوبر میں رخصتی اور دعوت کا معاملہ طے ہو گیا ۔ (علامتی تصویر) ۔

طے تاریخ کے مطابق دلہن کے گھر والوں نے باراتیوں کی ضیافت کے لیے تمام انتظامات کرلئے تھے اور بارات کا انتظار کیا جا رہا تھا۔ (علامتی تصویر) ۔

لیکن دلہن کے گھر والوں کے مطابق عین وقت پر دولہے نے موٹر سائیکل اور روپے کی ڈیمانڈ رکھ کر لڑکی والوں کو بلیک میل کرنے کی کوشش کی ۔ (علامتی تصویر ، رپورٹ : تنظیر انصار)۔