اس شخص نے اپنی بیوی کو لکھا 8 کلو وزنی Love Letter اور پھر ہوا کچھ ایسا جان کر رہ جائیں گے حیران

ایک پرانا مشہور نغمہ ہے : یہ میرا پریم پتر پڑھ کر تم ناراض نہ ہونا ، اس نغمے کو سن کر میرٹھ کے ایک دیوانے انے اتنا لمبا لولیٹر لکھ ڈالا کہ ان کی بیوی واقعتا ناراض ہوگئیں ۔ حالانکہ بعد میں اپنے شوہر کی محبت دیکھ کر وہ کافی خوش بھی ہوئیں ۔ یہ کہانی ہے میرٹھ کے رہنے والے جیون سنگھ بشٹھ کی ۔ جیون سنگھ بشٹھ کی بیوی اتراکھنڈ کے الموڑا میں رہتی ہیں ۔

سال 2000 کی بات ہے جب جیون کی بیوی کملا اپنے مائیکے گئی ہوئی تھیں ۔ اس وقت جیون کو اپنی بیوی کی اتنی یاد آئی کہ انہوں نے دو مہینے تک مسلسل لولیٹر لکھا ۔ لکھتے لکھتے جب یہ خط آٹھ کلو کا ہوگیا تو انہوں نے اس کو ڈاک کے ذریعہ پوسٹ بھی کردیا ۔ اس زمانے میں اس خط کو پوسٹ کرنے میں سات سو روپے کا خرچ آیا تھا ۔

جیون کی اہلیہ نے جب اس خط کو دیکھا تو وہ ناراض بھی ہوگئیں ، لیکن جب انہیں ساری بات بتائی گئی تو وہ کافی خوش بھی ہوئیں ۔

اس لو لیٹر کو لکھنے میں جیون سال 2000 میں اس قدر دیوانے ہوگئے تھے کہ رات رات بھر صرف خط ہی لکھا کرتے تھے ۔ اس خط میں صرف محبت کی باتیں نہیں ہیں بلکہ پریشانیوں اورسیاست کے بارے میں بھی تذکرہ ہے ۔

لو لیٹر میں کرگل جنگ کو لے کر بھی باتیں لکھی ہوئی ہیں ۔ یہی نہیں اس خط کو لکھ کر باقاعدہ نیچے لکھا ہوا ہے : آپ کا شوہر ۔

اس آٹھ کلو کے لو لیٹر کے علاوہ جیون نے کئی ایسے ریکارڈ بھی بنائے ہیں ، جو آپ کو حیرت میں ڈال دیں گے ۔ مثلا جیون ڈاک ٹکٹوں کے اتنے بڑے شوقین ہیں کہ انہوں نے دنیا بھر کے ایسے ڈاک ٹکٹ جمع کر رکھے ہیں ، جن کو دیکھ کر آپ حیرت زدہ ہوجائیں گے ۔

یہی نہیں ، جیون نے سب سے طویل مولی پیدا کرنے کا بھی ریکارڈ بنایا ہے ۔ سب سے بھاری بینگن بھی جیون نے اپنے گھر میں ہی اگایا ہے ۔ جیون کا نام لمکا بک آف ریکارڈس میں بھی درج ہوچکا ہے ۔

میرٹھ کے لوگ جیون کو ریکارڈ ہولڈر جیون جی کہتے ہیں ۔ جیون کے پورے کمرے میں ریکارڈ ہی ریکارڈ ہیں ۔ ان کا پورا کمرہ ریکارڈس سے بھرا پڑا ہے ۔ جیون نے سماج کو نشہ سے پاک بنانے کا بھی بیڑہ اٹھا رکھا ہے ۔