والد ڈھونڈ رہے تھے رشتہ، بیٹی نے شادی شدہ عاشق کے ساتھ مل کر لکھ دی موت کی اسکرپٹ، رونگٹے کھڑے کردے گی کہانی

مرزا پور۔: مرزا پور کے جمال پور تھانہ کے تحت جیاپٹی کلاں میں تین روز قبل رشتوں کے قتل کا سنسنی خیز معاملہ سامنے آیا ہے۔ شادی شدہ کی محبت میں پاگل بیٹی نے عاشق کے ساتھ مل کر باپ کو قتل کردیا۔ قتل کے بعد لاش بیت الخلا کے گٹر میں چھپا دی گئی۔ باپ بیٹی کے رشتے کے لیے لڑکے کو ڈھونڈ رہا تھا، اسی دوران بیٹی نے موت کا اسکرپٹ لکھ دیا۔

رشتوں کے قتل کی کہانی جس نے سنی وہ حیران رہ گیا۔ معاملہ تھانہ جمال پور کے تحت جاپتی کلاں کا ہے۔

سنتوش کمار گھر سے اچانک غائب ہو گیا تھا۔ گھر والوں نے پولیس اسٹیشن میں گمشدگی کی شکایت درج کروائی۔ گھر والوں کے شک پر پولیس نے گاؤں کے رہنے والے رویندر پرساد گوڑ سے پوچھ تاچھ کی تو اس نے قتل اور لاش کو بیت الخلا کے گٹر میں چھپانے کا اعتراف کیا۔

اس معاملے کا انکشاف کرتے ہوئے پولیس نے بتایا کہ مقتول کی بیٹی اور اس کا عاشق قتل میں ملوث تھے۔ پولیس کے مطابق 40 سالہ رویندر پرساد گوڑ اور سمن ایک دوسرے سے محبت کرتے تھے۔ دونوں کے درمیان فون پر بات چیت ہوتی تھی۔ حالانکہ رویندر پہلے سے شادی شدہ تھے۔

ادھر سنتوش کمار اپنی بیٹی سمن کی شادی کے لیے رشتہ ڈھونڈ رہے تھے۔ رویندر اور سمن کو جب اس بات کا علم ہوا تو دونوں نے ایک خوفناک فیصلہ کیا۔ محبت میں کٹنے والے باپ کو ہٹانے کے لیے بیٹی نے عاشق کے ساتھ مل کر گھناؤنی سازش رچی۔

لاش گٹر میں چھپا دی
عاشق رویندر نے سب سے پہلے سنتوش کمار کو گھر بلایا اور انہیں وہیں قتل کر دیا۔ اس نے اپنے بیٹے گوتم گوڑ کی مدد سے لاش گھر کے بیت الخلا کے گٹر میں چھپا دیا۔ پولیس نے ٹوائلیٹ سے لاش برآمد کر لی۔ پولیس نے قتل میں ملوث سمن، اس کے عاشق رویندرا اور اس کے بیٹے کو گرفتار کرکے جیل بھیج دیا ہے۔

مرزا پور کے ایس پی سنتوش کمار مشرا نے کہا، 'ایک قتل ہوا تھا، جس کی وجہ سے رویندر گوڑ کو گرفتار کیا گیا تھا۔ تحقیقات کے لیے ایک ٹیم تشکیل دی گئی، جس میں پتہ چلا کہ رویندر گوڑ کا تعلق مقتول کی بیٹی سے تھا۔ مقتول نے اپنی بیٹی کی شادی کہیں اور طے کی تھی۔ گرل فرینڈ کے کہنے پر رویندر نے اس قتل کو انجام دیا۔ بیٹے کی مدد سے لاش چھپا دی۔