ہندو مسلم اتحاد کی مثال ، یہاں 26 سالوں سے ایک مسلم کنبہ مناتا ہے جنم اشٹمی
کانپور شہر ہمیشہ سے ہی ملک میں ہندو مسلم اتحاد کی مثالیں پیش کرتا آیا ہے۔ اسی گنگا جمنی تہذیب کی ایک زندہ مثال شہر کے ڈاکٹر ایس احمد میاں کا کنبہ ہے ، جو گزشتہ کئی سالوں سے جنم اشٹمی کا تہوار مناتا آرہا ہے ۔
ملک میں موجودہ وقت میں بھلے ہی سیاسی لوگ مذہب کے نام پر انسانوں کو باٹنے میں لگے ہوں ، لیکن مغل حکمران اکبر کے زمانے سے ہندو -مسلم اتحاد اور گنگا جمنی تہذیب کی کئی مثالیں تاریخ اپنے آغوش میں سمیٹے ہوئے ہے۔ اکبر کے محل میں ان کی ملکہ جودھابائی کرشن جنم اشٹمی منایا کرتی تھیں ۔ اس زمانے میں بھی بنیاد پرست ہوا کرتے تھے اور شاید آج کے وقت سے زیادہ وہ کٹر تھے، مگر اکبر بادشاہ کے سامنے ان کی دال نہیں گل پاتی تھی۔
کانپور شہر ہمیشہ سے ہی ملک میں ہندو مسلم اتحاد کی مثالیں پیش کرتا آیا ہے۔ اسی گنگا جمنی تہذیب کی ایک زندہ مثال شہر کے ڈاکٹر ایس احمد میاں کا کنبہ ہے ، جو گزشتہ کئی سالوں سے جنم اشٹمی کا تہوار مناتا آرہا ہے ۔
کانپور کے بررا کے رہائشی ڈاکٹر احمد میاں کے گھر میں گھنٹیوں کی آواز اور اس کے ساتھ آرتی کی دھن عقیدت کا ایسا منظرپیش کرتی ہے کہ آنکھیں نم ہوجائیں۔
ڈاکٹر ایس احمد کا کہنا ہے کہ بارہ بنکی میں ایک مزار ہے ، جہاں ہندو اور مسلم ایک ساتھ عقیدت سے زیارت کرتے ہیں۔ وہیں سے ان کے دل میں عقیدت پیدا ہوئی اور وہ کرشن جنم اشٹمی مناتے ہیں۔
ڈاکٹر احمد کا خیال ہے کہ جب ملک کےباقی عظیم انسانوں کی پیدائش ہندو اور مسلم ایک ساتھ منا سکتے ہیں ، تو کرشن کی پیدائش منانے میں کیا حرج ہے۔
حالانکہ بہت سے لوگ ڈاکٹر ایس احمد کی مخالفت بھی کررہے ہیں ، مگر انہیں اس بات سے کوئی فرق نہیں پڑتا ہے ۔
ڈاکٹر احمد بڑے فخر سے یہ بھی کہتے ہیں کہ میری طرف سے سجائی گئی جھانکی میں کرشن کے اتنے روپ ہوتے ہیں ، جو شاید اور کسی کے گھر میں دیکھنے کو نہ ملیں۔
جس ملک میں دو ثقافتوں میں اتنے پیارے اور گہری تعلقات ہوں ، وہاں فرقہ پرست طاقتوں کو ہارنا ہی پڑے گا ۔(تصاویر : سنديپ سویتا ) ۔
