اندور-پٹنہ ایکسپریس کے 14 ڈبے پٹری سے اترے، یہ ہیں حادثے کی تصویریں

اتر پردیش کے ضلع کانپورمیں پکھرایاں ریلوے اسٹیشن کے نزدیک آج پچھلے پہرایک ٹرین حادثے میں کم سے کم95 مسافر ہلاک ہو گئے ہیں اور 200 سے زیادہ زخمی ہو گئے۔ پٹنہ کے رخ پر روان 19321 پٹنہ اندور ایکسپریس کو حادثہ علی الصبح کانپور شہر کے قریب پوکھرایاں کے قریب اس وقت پیش آیا جب ٹرین کے 14 ڈبے پٹری سے اتر گئے۔ جائے حاثہ سے تباہ ڈبوں کا ملبہ ہٹانے اور زخمیوں کو بچانے کی امدادی کارراوئياں جاری ہیں۔ تصویر اکھلیش رستوگی۔

راحت اور بچاؤ کے کاموں کے لئے بڑی تعداد میں پولیس کے جوان لگے ہیں۔ موقع پر قومی آفت امدادی ،این ڈی آر ایف کی دو ٹیمیں بھیجی گئی ہیں جبکہ ایک ٹیم دہلی سے بھی پہنچ رہی ہے۔ تصویر بودھی ستو سین رائے۔

ریاست کے جی ڈی پی جاوید احمد نے یو این آئی کو بتایا کہ ٹرین کی دو بوگیاں ایک دوسرے میں پھنس گئی ہیں اور انھیں کاٹ کر نکالنے کا کام جاری ہے۔ انہوں نے کہ کہا تقریباً تمام زخمیوں کو اسپتال اور لاشوں کو مردہ گھروں میں منتقل کر دیا گیا ہے۔
پولیس کے مطابق حادثہ پچھلے پہر کوئی ساڑھے تین بجے پیش آیا۔ تصویر بودھی ستو سین رائے۔

وزیراعظم نریندر مودی نے ٹوئٹر پراس ٹرین حادثے پر شدید غم کا اظہار کیا ہے اورکہا کہ وہ متاثرہ افراد کے غم میں برابر کے شریک ہیں۔ انہوں نے وزیر ریل سریش پربھو سے بھی بات کی ہے جو ’موجودہ حالات کی نگرانی خود کر رہے ہیں۔‘
مسٹر پربھو نے کہا ہے کہ ’ٹرین حادثے کے ذمہ داروں کے خلاف سخت کارروائئ کی جائے گی۔ تصویر نظام انصاری۔

انہوں نے ٹرین حادثے کی فوری اعلی سطحی چھان بین کا حکم دے دیا ہے اور اس حادثے میں ہلاک ہونے والوں کے ورثا کو ساڑھے تین لاکھ اور زخمیوں کو پچا س پچاس ہزار روپےمعاوضے کا اعلان کیا ہے۔ تصویر۔نظام انصاری۔

ٹرین کی بوگیاں پٹری سے کیسے اتریں یہ ابھی واضح نہیں ہوا۔ حادثے کی ہر پہلو سے چھان بین کی جارہی ہے۔ واضح رہے کہ کانپور اسٹیشن ریلوے کے اہم جنکشنوں میں سے ایک ہے اور یہاں سے ہر روز سینکڑوں ٹرینیں گزرتی ہیں۔ حادثے کے بعد کانپور سے گزرنے والی دوسری ٹرینوں کا رخ موڑ دیا گیا۔ تصویر۔ اکھلیش رستوگی۔

مرنے والوں اور زخمیوں کی تعداد بڑھ سکتی ہے. صبح تقریبا 3 بج کر 10 منٹ پر ٹرین حادثے کا شکار ہوئی. حادثہ اتنا سنگین تھا کہ ایک بوگی دوسری بوگی کے اوپر چڑھ گئی۔

پٹنہ-اندور ایکسپریس کے اندر پھنسی بزرگ عورت۔