مرتھل کے مشہور ڈھابوں میں چل رہا تھا بدکاری کادھندا، 12 لڑکیاں، تین نوجوان لڑکے قابل اعتراض حالت میں گرفتار

سونی پت۔ ہریانہ کے سونی پت ضلع میں واقع مرتھل کے ڈھابوں میں جسم فروشی کے دھندے Sex Racket کا پردہ فاش ہوا ہے۔ وزیر اعلی فلائنگ اسکواڈ کی ٹیم نے مقامی پولیس اور ایس ڈی ایم کے ساتھ چھاپہ مار کر 12 لڑکیوں سمیت 24 لوگوں کو گرفتار کیا ہے۔ ان میں تین غیر ملکی لڑکیاں بھی شامل ہیں۔

12 لڑکیوں اور تین لڑکوں کو بدکاری کے دھندے اور نو مردوں کو جوا کھیلتے پکڑا گیا ہے۔ جوا کھیلتے پکڑے گئے لوگوں کے پاس سے 1.63 لاکھ روپئے بھی برآمد کئے گئے ہیں۔

آپ کو بتادیں کہ مرتھل میں وزیر اعلی فلائنگ اسکواڈ کی ٹیم کو ڈھابوں پر جسم فروشی ، منشیات فروشی کے ساتھ ساتھ جوا کھیلنے کے بارے میں معلومات ملی تھی۔ جس کی بنیاد پر بدھ کی رات 9.30 بجے ڈی ایس پی اجیت سنگھ کی سربراہی میں مرتھل کے ڈھابوں پر چھاپہ مارا گیا۔

مختلف ٹیموں نے ایک ساتھ 9 بجے کے قریب ڈھابوں پر چھاپہ مارا۔ کارروائی کے دوران مقامی پولیس اور ایس ڈی ایم سونی پت بھی ان کے ساتھ تھے۔ ٹیم نے مرتھل میں ہیپی راجہ اور ہوٹل ویسٹ ڈھابوں پر چھاپہ مارا اور 12 لڑکیوں اور تین نوجوانوں کو پکڑ لیا۔

نو لڑکیاں دہلی کی بتائی جارہی ہیں اور تین لڑکیاں ازبیکستان ، ترکی اور روس سے ہیں۔ ایک ٹیم نے براؤن اسٹون ڈھابا پر چھاپہ مارا۔ وہاں سے نو نوجوان جوا کھیلتے پکڑے گئے۔

پکڑے گئے نوجوانوں کا تعلق سونی پت ، دہلی اور یوپی سے بتایا جارہا ہے۔ کارروائی کے دوران نو ڈھابوں پر پولیس ٹیمیں تعینات کردی گئی تھیں۔ دیر راتھ تک کارروائی جاری تھی۔