اسکول کے دو منیجرس پر کیس درج، پریکٹیکل کے بہانے نشیلی اشیا دیکر 17 لڑکیوں کو جنسی استحصال کا بنایا نشانہ اور۔۔۔

مظفر نگر۔ اتر پردیش کے مظفر نگر ضلع (Muzaffar Nagar News) میں دو پرائیویٹ اسکولوں کے مینیجرز پر 17 لڑکیوں مبینہ طور پر نشہ آور اشیا پلا کر ریپ Sexual Harassment کرنے کی کوشش کرنے کا الزام لگا ہے۔

پولیس نے اس معاملے (Rape Attempt) میں دونوں لوگوں کے خلاف مقدمہ درج کر لیا ہے۔ اس کے ساتھ ہی اس معاملے میں لاپرواہی برتنے پر ایک پولیس افسر کو لائن حاضر کر دیا گیا ہے۔

مظفر نگر ضلع کے سینئر سپرنٹنڈنٹ پولیس ابھیشیک یادو نے پیر کو کہا کہ بھارتیہ جنتا پارٹی (بی جے پی) کے لیڈر اور مقامی ایم ایل اے پرمود اُتوال کی مداخلت کے بعد خاندان کی شکایت پر مقدمہ درج کیا گیا ہے۔ انہوں نے بتایا کہ پورکاجی پولیس اسٹیشن کے انچارج ونود کمار سنگھ کو اس معاملے میں مبینہ طور پر لاپرواہی برتنے پر لائن حاضر کر دیا گیا۔

وہیں بھوپا تھانے میں واقع سوریا دیو پبلک اسکول کے آپریٹر یوگیش کمار چوہان اور پورکاجی علاقے کے جی جی ایس انٹرنیشنل اسکول کے آپریٹر ارجن سنگھ کے خلاف جنسی ہراسانی، نشیلی اشیا دینے کی اور POCSO ایکٹ کی دفعات کے تحت رپورٹ درج کی گئی ہے۔

منیجر یادو نے بتایا کہ مبینہ واقعہ اس وقت پیش آیا جب یوگیش سوریا دیو پبلک اسکول میں میں پڑھنے والی 17 لڑکیوں کو پریکٹیکل امتحانات کے لیے جی جی ایس اسکول لے گیا تھا اور انہیں رات بھر وہاں رہنا پڑا۔ متاثرہ کے اہل خانہ کی شکایت کے مطابق دونوں ملزموں نے نابالغ لڑکیوں کا جنسی استحصال (Molestation) کا نشانہ بنایا اور مبینہ طور پر نشہ آور اشیاء دے کر ان کا ریپ (Rape Attempt) کرنے کی کوشش کی۔

سینئر سپرنٹنڈنٹ آف پولیس (ایس ایس پی) یادو نے یہ بھی بتایا کہ گھر والوں نے شکایت کی ہے کہ ملزم نے لڑکیوں کو دھمکی دی کہ وہ اس واقعہ کے بارے میں کسی کو نہ بتائیں۔ اہل خانہ کے مطابق جب وہ مقامی پولیس کے پاس پہنچے تو انہوں نے کوئی کارروائی نہیں کی جس کے بعد انہوں نے ایم ایل اے سے رابطہ کیا۔

ایس ایس پی نے بتایا کہ اسکول انتظامیہ کے دو افراد کے خلاف تعزیرات ہند 328 (جرم کے ارادے سے زہر وغیرہ سے نقصان پہنچانا)، 354 (عورت کی عزت کو مجروح کرنے کے ارادے سے حملہ یا مجرمانہ طاقت) اور پوکسو ایکٹ (POCSO) کی متعلقہ دفعات کے تحت مقدمہ درج کیا گیا ہے۔