نابالغ بچی کی پراسرار موت پر سیاست تیز، لوگوں کا پھوٹا غصہ، ماں کا سنسنی خیز الزام، بچی کو اس حالت میں دیکھا لیکن پھر بھی۔۔۔

دہلی کینٹ میں آج سیاست دانوں کی آواجاہی بڑھ گئی ہے۔ ایک مرتبہ پھر مبینہ طور پرعصمت ریزی اورقتل کا شکار ہوئی ایک معصوم کے اہل خانہ سے ہمدردی جتانے،وعدوں کی لڑی لگانے اوراپنی سیاسی روٹیاں سینکنے کیلئے سیاست داں دہلی کینٹ پہنچ رہے ہیں۔کانگریس کے نائب صدر راہل گاندھی دہلی کینٹ پہنچے ،جہاں مقامی افراد کی مخالفت کے باوجود متاثرہ خاندان سے ملاقات کی۔ دکھ کا اظہار کیا اورایک ٹویٹ کرتے ہوئے متاثرہ خاندان کیلئے انصاف کا مطالبہ کیا۔

دکھ کا اظہار کیا اورایک ٹویٹ کرتے ہوئے متاثرہ خاندان کیلئے انصاف کا مطالبہ کیا۔دہلی کے وزیراعلیٰ اروند کیجریوال بھی کل سے متاثرہ کے خاندان سے ملاقات کیلئے پہنچے

راجدھانی میں نو سال کی بچی کی مشتبہ حالت میں موت کے بعد ہنگامے کا معاملہ سامنے آیا ہے دہلی کینٹ ساگر پور برج شمشان گھاٹ میں بچی کی پراسرار طریقے سے موت کے بعد گاؤں کے لوگوں نے شمشان گھاٹ پر جم کر ہنگامہ کیا۔

لوگوں کا الزام تھا کہ لڑکی کے ساتھ شمشان گھاٹ کے پجاری نے غلظ کام کرکے اسے مار کر جلا دیا۔ وہیں ملزم کا کہنا ہے کہ لڑکی کی موت کرنٹ لگنے سے ہوئی ہے۔

لڑکی کے مطابق اتوار کی شام کو تقریبا پانچ بجے لڑکی شمشان گھاٹ میں پانی بھرنے گئی تھی جہاں پر اس کی موت ہو گئی۔ اس کے بعد وہاں کے پجاری نے لڑکی کی آخری رسوم کی تیاری شروع کر دی۔

اسی درمیان گاؤں والوں کو اطلاع ہوئی تو بڑی تعداد میں لوگ شمشان گھاٹ پر پہنچ گئے اور لڑکی کی لاش کو ارتھی سے چتا سے اتار کر پولیس کو اطلاع کردی۔

دہلی پولیس کے افسران کا کہنا ہے کہ بچی ساڑھے پانچ بجے کے قریب شمشان گھاٹ میں واٹر کولر سے پانی لانے گئی تھی۔ آدھے گھنٹے کے بعد ، پجاری نے لڑکی کے گھر والوں کو بتایا کہ لڑکی کو کچھ ہوا ہے۔ اس کے ہونٹ نیلے تھے اور اس کے ہاتھ پر جلنے کا نشان تھا۔ لڑکی کے اہل خانہ کے مطابق ، پجاری نے بتایا کہ لڑکی کی موت کرنٹ لگنے سے ہوئی۔

خاندان کے افراد نے الزام لگایا کہ پجاری اور اس کے ساتھ موجود 2-3 لوگوں نے دباؤ ڈالا کہ لڑکی کا فوری طور پر آخری رسوم ادا کی جائے، اگر پولیس آئی تو وہ لڑخی کے جسم کے حصے نکال کر لے جائیں گے۔

اس کے بعد پجاری اور اس کے ساتھیون کی مدد سے لڑکی کی آخری رسوم کی تیاری شروع کر دی گئی لیکن اسی درمیان گاؤں والوں کو بھنک لگ گئی ۔

فورا ہی بڑی تعداد میں لوگ شمشان گھاٹ پہنچ گیے اور لڑکی لاش کو چتا سے اتار کر اس پر پانی ڈال دیا۔ اس کے بعد پولیس کو اطلاع دی گئی۔ پجاری کو حراست میں لے لیا گیا ہے۔

ساتھ ہی اس معاملے میں کئی دفعات کے تحت معاملہ درج کیا گیا ہے۔ لاش کافی حد تک جل چکی ہے۔ اس لئے FSL ٹیم سے جانچ کرائی جا رہی ہے۔ اگر بچی کے ساتھ کچھ غلط ہوا تو سچ سامنے آجائے گا۔

شروعاتی جانچ میں کرنٹ لگنے موت کا معاملہ لگ رہا ہے لیکن لاپرواہی اور ثبوتوں کو مٹانے کی کوشش کی وجہ سے پولیس نے معاملہ درج کر لیا ہے۔