شوہر۔بیوی اور نوکرانی کا قتل، لاش کے پاس روتی ملی دو سال کی بچی، جانئے دردناک واقعہ

راجدھانی دہلی منگل کی صبح ہونے والے ایک ساتھ تین قتل ہونے والی خبر سے دہل گئی۔ دہلی کے ہری نگر کے اشوک نگر علاقے میں بدمعاشوں نے گھر میں گھس کر شوہر، بیوی سمیت نوکرانی کا بے دردی سے قتل کردیا گیا۔

واقعہ کے بعد علاقے میں کہرام مچ گیا۔ دہلی پولیس نے اس واقعہ میں ایک ملزم کو گرفتار کیا ہے۔ اس سے اس واقعہ کے سلسلے میں پوچھ گچھ کی جارہی ہے۔

بتایا جا رہا ہے کہ جوڑا اور ان کی 2 سالہ بیٹی 4 منزلہ مکان میں تھے جو سو رہے تھے۔ صبح ساڑھے سات بجے گھر کی ملازمہ سپنا معمول کے مطابق گھر کے اندر آئی لیکن اس کے بعد اسے بھی گھر کے اندر ہی قتل کر دیا گیا۔

مرنے والوں کے نام سمیر آہوجا، ان کی بیوی شالو اور میڈ سپنا ہیں۔ مقتول جوڑے کی دو سالہ بچی گھر میں محفوظ پائی گئی ہے۔

پولیس کے اعلیٰ افسران موقع پر پہنچ گئے ہیں اور پورے قتل کی تفتیش جاری ہے۔
پولیس نے جلد انکشاف کا دعویٰ کر دیا، تحقیقاتی ٹیم تشکیل دے دی گئی:
اس معاملے میں ڈی سی پی گھنشیام بنسل نے بتایا کہ انہیں صبح تقریباً 9.15 بجے ایک کال موصول ہوئی تھی جو کہ چوری کا واقعہ تھا۔

پولیس اہلکار موقع پر پہنچے تو پولیس کو گھر سے 3 لاشیں ملیں جن میں 2 خواتین ہیں۔ ان میں سے ایک سمیر آہوجا اور ان کی بیوی شالو کی ہے جب کہ تیسری لاش ملازمہ سپنا کی ہے۔ اردگرد کے تمام کمروں کی تلاشی لی گئی ہے۔ کئی ٹیمیں بنائی گئی ہیں۔ پولیس جلد از جلد اس پر کام کرے گی۔