نہاتی نہیں بیوی صرف اس بات پر شوہر دینا چاہتا ہے بیوی کو طلاق، عجیب و غریب معاملہ جان کر سبھی رہ گئے حیران

علی گڑھ۔: اتر پردیش کے علی گڑھ میں تین طلاق (Triple Talaq) کا ایک چونکا دینے والا معاملہ سامنے آیا ہے۔ یہاں ایک شوہر اپنی بیوی سے ناراض ہو گیا کیونکہ وہ روزانہ غسل نہیں کرتی۔ اس نے اپنی بیوی کے غسل نہ کرنے کو لیکر طلاق مانگنے کی واحد وجہ بنایا۔

معاملہ ویمن پروٹیکشن سیل تک پہنچ گیا ہے جہاں دونوں کو شادی بچانے کے لیے کونسلنگ کی جا رہی ہے۔ جب طلاق کی وجہ پوچھی گئی تو شوہر نے کونسلر کو بتایا کہ میری بیوی غسل نہیں کرتی میں اس کی نہ نہانے کی عادت سے پریشان ہوں اور اس کے ساتھ نہیں رہ سکتا اس لیے مجھے طلاق دلا دی جائے۔ شوہر کی اس بات پر سب حیران تھے۔

اس کے بعد بھی ، دونوں کے درمیان ثالثی کرا کے شادی کو ٹوٹنے سے بچانے کا ایک موقع دیا گیا ہے۔

معلومات کے مطابق دو سال قبل چندوس کے لڑکے کی شادی قریشی لڑکی سے ہوئی تھی۔ اس جوڑے کا ایک بیٹا بھی ہوا حالانکہ اس کے باوجود دونوں کے تعلقات بہتر نہیں ہوئے۔ ہر روز جھگڑا ہوتا تھا جس کے بعد شوہر نے فیصلہ کیا کہ وہ اب اس عورت کے ساتھ نہیں رہنا چاہتا۔

معاملہ ویمن پروٹیکشن سیل تک پہنچا۔ بتایا گیا ہے کہ اس معاملے میں دونوں کے درمیان کاؤنسلنگ کی جا رہی ہے۔

دونوں کے گھر والوں سے بھی بات کی گئی ہے تاکہ یہ رشتہ ٹوٹنے سے بچایا جا سکے۔ کونسلر طلاق کی اس درخواست کو کسی تشدد یا سنگین جرم نہیں لے رہے ہیں۔ اس لیے کوشش یہ ہے کہ دونوں کے درمیان نظریاتی اختلافات کو دور کرکے انہیں ایک ساتھ رہنے پر راضی ہونے کا موقع دیا جائے۔