یوپی میں کھلے عام گھوم رہا سائیکو کلر، اب تک 3بزرگ خاتون کا کر چکا ہے قتل، پولیس نے کی یہ اپیل

پولس اتر پردیش کے بارہ بنکی ضلع میں گھومنے والے سائیکو قاتل کی تلاش میں ہے۔ یہ سائیکو قاتل بزرگ خواتین کو نشانہ بنا کر قتل کر رہا ہے۔ بارہ بنکی پولیس کی 6 ٹیمیں سیریل کلر کی تلاش میں مصروف ہیں۔ ساتھ ہی پولیس نے ملزم کی تصویر وائرل کر دی ہے اور لوگوں سے اسے گرفتار کرنے کی اپیل کی ہے۔ سائیکو کلر اب تک تین قتل کر چکا ہے۔ ایس پی نے قاتل کو پکڑنے میں ناکام تھانے کے انسپکٹر کو دیکھتے ہوئے ایک اور پولیس افسر کو تعینات کر دیا ہے۔

ایودھیا ضلع کا موئی تھانہ علاقہ بارہ بنکی کے رامسنی گھاٹ سے 8 کلومیٹر دور ہے۔ 5 دسمبر 2022 کو موئی کے خوشیٹی گاؤں کی ایک 60 سالہ خاتون کسی کام سے گھر سے نکلی تھیں۔ شام تک جب وہ واپس نہیں آئیں تو گھر والوں نے تلاش کے بعد پولیس اسٹیشن میں گمشدگی کی شکایت درج کروائی۔

اس کے بعد 6 دسمبر کی سہ پہر پولیس کو خاتون کی لاش ملی۔ لاش پر کوئی کپڑا نہیں تھا۔ خاتون کے چہرے اور سر پر زخموں کے نشانات پائے گئے۔ پوسٹ مارٹم رپورٹ میں انکشاف ہوا کہ ریپ کے بعد گلا دبا کر قتل کیا گیا لیکن کسی کو پتہ نہیں چلا کہ مجرم کون ہے۔

عصمت دری کے بعد گلا گھونٹ کر کیا گیا قتل
بارہ بنکی ضلع میں رامسنی گھاٹ کوتوالی سے 4 کلومیٹر کے فاصلے پر ابراہیم آباد نام کا ایک گاؤں ہے۔ 17 دسمبر 2022 کو یہاں کے ایک کھیت سے 62 سالہ خاتون کی لاش برآمد ہوئی۔ لاش شام کو برآمد ہوئی لیکن قتل صبح ہوا تھا۔ اس لاش پر کپڑا تک نہیں تھا۔ پوسٹ مارٹم رپورٹ میں انکشاف ہوا کہ عصمت دری کے بعد گلا دبا کر قتل کیا گیا۔ قاتل کا پھر کوئی پتہ نہ چل سکا۔

پہلی لاش ایودھیا اور دوسری بارہ بنکی میں ملی
پہلی لاش ایودھیا ضلع میں اور دوسری لاش بارہ بنکی میں ملی۔ دونوں اضلاع کی پولیس نے اپنی اپنی سطح پر تفتیش شروع کردی۔ اس کے بعد 29 دسمبر کو رامسنی گھاٹ پولیس اسٹیشن سے 3 کلومیٹر دور تھرہ گاؤں میں حاجت کے لیے نکلی ایک خاتون لاپتہ ہوگئی۔ اس کی لاش 30 دسمبر کو کھیت میں برہنہ حالت ملی تھی۔ اس خاتون کی عمر بھی 55 سال تھی اور قتل کا پیٹرن یعنی (طریقہ) بھی بالکل ویسا ہی تھا۔ یہ لاش ملتے ہی پولیس حیران رہ گئی۔

پولیس نے جاری کی مشتبہ کی تصویر۔۔۔
بتا دیں کہ رامسنی گھاٹ کوتوالی علاقے میں مختلف جگہوں سے بوڑھی خواتین کی لاشیں ملنے اور قتل کرنے کا طریقہ ایک جیسا ہونے کے بعد بارہ بنکی کے ایس پی دنیش سنگھ نے رامسنی گھاٹ کے انسپکٹر ونود بابو مشرا کو لائن حاضر کرتے ہوئے انسپکٹر لال چندر سروج کو ذمہ داری دی ہے۔

سیریل کلر کی تصویر کو سوشل میڈیا پر وائرل کرتے ہوئے پولس نے بارہ بنکی اور آس پاس کے تھانوں کو الرٹ رہنے اور قاتل کی تلاش کرنے کی ہدایت دی ہے۔ عام لوگوں سے اپیل کی گئی ہے کہ تصویر کے ذریعے کہیں نظر آنے پر قریبی پولیس اسٹیشن کو اطلاع دیں۔

ساتھ ہی بارہ بنکی پولیس کی 6 ٹیمیں اس سیریل کلر کی تلاش میں لگی ہوئی ہیں لیکن اب تک یہ سیریل کلر پولیس کی گرفت سے دور ہے اور لوگوں میں خوف کا ماحول پیدا ہو گیا ہے۔