UP News: نکاح قبول نہیں کہہ کر تھانے چلے گئی دلہن، پولیس کو لے کر پہنچی گھر اور پھر....

لکھنو : کشی نگر کے وشنو پورہ گاوں میں پیر کو ایک ایسا واقعہ پیش آیا ، جو ہر طرف موضوع بحث بنا ہوا ہے ۔ یہاں پر نکاح کے دوران ہی ایک دلہن نے کہہ دیا کہ اس کو نکاح قبول نہیں ہے ۔ اس کے بعد دلہن وہاں سے اٹھ کر تھانہ چلی گئی اور اپنے ساتھ پولیس کو لے کر گھر پہنچی ۔ علامتی تصویر ۔

اس دوران دلہن کے نکاح قبول نہیں کرنے پر دولہا فریق کے لوگ ناراض ہوگئے اور جم کر ہنگامہ کیا ۔ حالانکہ بعد میں پولیس نے جائے واقعہ پر پہنچ کر دونوں فریقوں کو سمجھایا اور معاملہ کو ٹھنڈہ کیا ۔ بعد میں پولیس نے کچھ ایسا کیا جو کہ مثال بن گیا اور لوگ پولیس کی تعریف کرتے نہیں تھک رہے ہیں ۔ علامتی تصویر ۔

دراصل لڑکی کو ایک دوسرے لڑکے سے پیار تھا اور وہ اس سے شادی کرنا چاہتی تھی ، لیکن اس کے اہل خانہ کے لوگ زبردستی اس کا نکاح کسی دوسرے نوجوان سے کرنا چاہتے تھے ۔ اس پر دلہن نے شادی کے دوران ہی کہہ دیا کہ اس کو نکاح قبول نہیں ہے ۔ علامتی تصویر ۔

اس کے بعد دلہن سیدھے تھانہ پہنچ گئی اور بتایا کہ اس کے اہل خانہ کے لوگ زبردستی اس کی شادی کروا رہے ہیں جبکہ وہ رام کولا میں رہنے والے اس کے عاشق کے ساتھ شادی کرنا چاہتی ہے۔ علامتی تصویر ۔

پولیس نے فورا کارروائی کرتے ہوئے لڑکی کو لے کر جائے واقع پر پہنچی اور دونوں فریقوں کو سمجھانے کی کوشش کی ۔ اس دوران پولیس نے وہاں پر مشتعل لڑکے کے فریق کے لوگوں کو بھی سمجھا کر ماحول کو ٹھنڈہ کیا اور بعد میں دولہے و دلہن کے والدین کو لے کر تھانہ پہنچ گئی ۔ علامتی تصویر ۔

پولیس نے یہاں پر ان دونوں سے ہی طویل بات چیت کے بعد ان کے غصہ کو ٹھنڈہ کیا اور لڑکی کی شادی اس کے عاشق سے کروانے کیلئے راضی کیا ۔ اس کے بعد پولیس نے فورا ہی لڑکی اور اس کے عاشق کی شادی کروادی ۔ اس کے بعد کہیں جاکر یہ معاملہ ٹھنڈہ ہوا ۔ علامتی تصویر ۔

وہیں لڑکی سے شادی کرنے کیلئے پہنچا دولہا اور بارات بے رنگ لوٹ گئی ۔ حالانکہ اس دوران پولیس نے پورا معاملہ سنبھال لیا اور کسی بھی طرح کی جھڑپ نہیں ہونے دی ۔ علامتی تصویر ۔