پریاگ راج میں ایک بار پھر سنسنی خیز واردات، 5 لوگوں کے قتل کے بعد گھر میں لگائی آگ، 5 سالہ بچی کو بھی نہیں چھوڑا

Prayagraj News۔ سنگم نگری پریاگ راج کے تھروائی تھانہ علاقے کے کھیوراج پور گاؤں میں جمعہ کی رات ایک ہی خاندان کے 5 افراد کے قتل سے سنسنی پھیل گئی۔ بتایا جا رہا ہے کہ ملزمان نے مہلوکین کو اینٹ اور پتھر مار کر قتل کرنے کے بعد گھر کو آگ لگا دی۔

اسی دوران ایک 5 سالہ بچی پر بھی حملہ کیا گیا ہے۔ اسے ہسپتال میں داخل کرایا گیا ہے۔ پولیس کے مطابق اس واقعے میں 5 سالہ بچی ساکشی بیٹی سنیل زخمی ہوئی ہے۔ انہیں پریاگ راج کے سوروپرانی اسپتال میں داخل کرایا گیا ہے۔ واقعہ کی اطلاع ملتے ہی پولیس نے موقع پر پہنچ کر تفتیش شروع کردی ہے۔

دراصل تھروائی تھانہ علاقہ کے تحت کھیوراج پور میں ہفتہ کی صبح ایک ہی خاندان کے پانچ لوگوں کے قتل سے علاقے میں کہرام مچ گیا ہے۔ ایس پی گنگا کراس آفیسر سمیت بڑی تعداد میں پولیس فورس کے ساتھ موقع پر پہنچے۔ اس کے ساتھ ہی واقعہ کی اطلاع ضلع مجسٹریٹ سنجے کھتری اور ایس ایس پی پریاگ راج اجے کمار کو بھی دی گئی ہے۔

ضلع مجسٹریٹ پریاگ راج سنجے کھتری اور ایس ایس پی پریاگ راج اجے کمار موقع پر پہنچ گئے ہیں۔ دوسری جانب اسنیفر ڈاگ اور فارنسک ماہرین کی ٹیم Sniffer dog and team of forensic experts بھی واقعے کی تحقیقات کے لیے موقع پر پہنچ گئی ہے۔

گاؤں والوں سے موصولہ اطلاع کے مطابق تمام مہلوکین گھر کے برآمدے میں سو رہے تھے۔ ساتھ ہی گھر کے اندر سے دھواں بھی اٹھتا ہوا پایا گیا ہے۔ جسے پولیس اور فائر بریگیڈ نے بجھایا۔ تاہم واقعے کی وجہ تاحال معلوم نہیں ہوسکی۔