سہاگ رات کو بیوی کا کھلا یہ راز تو اڑ گئے شوہر کے ہوش، بھاگا۔بھاگا تھانے پہنچے اور پھر۔۔۔

ہریدوار۔ لو میرج کے بعد آپ نے میاں بیوی کے درمیان اختلافات، ایکسٹرا میرٹل افیئر اور دیگر وجوہات کی بنا پر شادی کو کئی بار ٹوٹتے دیکھا ہوگا لیکن ہریدوار کے لکسر میں بیوی کا جینڈر معلوم ہونے کی وجہ سے نوجوان کو تھانے میں مقدمہ درج کرانا پڑا۔وہ لڑکی جسے نوجوان اپنی بیوی بنا کر گھر لایا تھا وہ ٹرانسجینڈر نکلی۔

دراصل لکسر کوتوالی علاقے کے درگاہ پور گاؤں کے رہنے والے 30 سالہ سکھلال نامی نوجوان کی سوشل میڈیا پر ہریانہ کی ایک لڑکی سے دوستی ہوئی اور دونوں میں لمبی لمبی باتیں ہونے لگیں۔ اس کے بعد دوستی پیار میں بدل گئی اور جب دونوں میں محبت ہوئی تو انہوں نے شادی کرنے کا فیصلہ کیا۔

دونوں خاندانوں کی رضامندی سے اس عاشق جوڑے کی شادی لکسر کے رادھا کرشنا مندر میں ہوئی لیکن شادی کی پہلی ہی رات جب نوجوان کو معلوم ہوا کہ اس کی بیوی ٹرانسجینڈر ہے اور وہ لڑکا سے لڑکی بنی ہے تو وہ چونک گیا۔

وہیں اپنی گرل فرینڈ کا جینڈر جاننے کے بعد نوجوان کی خواہشات پر پانی پھر گیا۔ اس بات پر دونوں کے درمیان جھگڑا بھی ہوا۔ اس کے بعد اس کی بیوی حصار میں اپنے گھر واپس چلی گئی۔

نوجوان نے فراڈ کا مقدمہ درج کرایا
لکسر کوتوالی میں شکایت دیتے ہوئے نوجوان نے بتایا کہ اس کی بیوی آروشی کا نام پہلے آشو تھا اور وہ لڑکے سے لڑکی بن گئی ہے۔ نوجوان نے آروشی کے اہل خانہ پر دھوکہ دہی اور طلاق دینے کے عوض بھاری رقم کا مطالبہ کرنے کا الزام بھی لگایا ہے۔

نوجوان کی شکایت پر آروشی اور اس کے اہل خانہ کے خلاف لکسر پولیس اسٹیشن میں مقدمہ درج کرلیا گیا ہے۔ کوتوالی انچارج انسپکٹر امرجیت سنگھ نے بتایا کہ دھوکہ دہی کی دفعات کے تحت مقدمہ درج کیا گیا ہے۔ کیس کی تفتیش کی جا رہی ہے۔