پہلے شوہر کی موت، دوسرے کو چھوڑا، پڑھئے 70 سال کے سسر سے کے ساتھ شادی کرنے والی بہو کی کہانی

اتر پردیش کے گورکھپور سے ایک عجیب و غریب شادی کی چرچا علاقے اور سوشل میڈیا پر کئی دنوں سے موضوع بحث بنای ہوئی ہے۔

بدھل گنج کوتوالی علاقے کے چھپیا عمراؤ گاؤں کے رہنے والے 70 سالہ کیلاش یادو نے اپنی بہو پوجا (28 سال) سے مندر میں شادی کرلی۔ بزرگ شخص کی اپنی بہو کے ساتھ مندر میں شادی کی تصویر وائرل ہو رہی ہے۔ تصویر کے وائرل ہوتے ہی یہ شادی علاقے میں بحث کا موضوع بن گئی۔

بتا دیں کہ گاؤں کا رہنے والا کیلاش یادو بدھل گنج تھانے کا چوکیدار ہے۔ ان کی بیوی کا انتقال 12 سال قبل ہوا تھا۔ کیلاش کے چار بچوں میں سے تیسری بہو کے شوہر کی موت کے بعد پوجا تنہا ہو گئی تھی۔

پوجا کی دوسری شادی بھی ہو گئی تھی لیکن وہ گھر اسے پسند نہیں آیا جس کے بعد وہ دوبارہ اپنے پہلے شوہر کے گھر واپس آگئی، اسی دوران سسر کا دل بہو پر آ گیا اور عمر اور معاشرے کی زنجیریں توڑتے ہوئے دونوں نے مندر میں جا کر سات پھیرے لے لئے۔
پوجا نئے رشتے سے خوش ہیں۔

خبر کے مطابق یہ شادی دونوں کی رضامندی سے ہوئی ہے۔ شادی کے وقت گاؤں والوں کے ساتھ خاندان کے دیگر لوگ بھی موجود تھے۔ معاشرے کی پرواہ کئے بغیر دونوں کی یہ شادی اب سرخیاں بن گئی ہے۔ دوسری جانب پوجا بھی اپنے نئے رشتے سے خوش نظر آرہی ہے۔

اس انوکھی شادی کا معاملہ پولیس تک پہنچا تو افسران بھی حیران رہ گئے۔ اسٹیشن انچارج برہل گنج نے بتایا کہ ہمیں اس شادی کے بارے میں وائرل ہونے والی تصویر سے ہی پتہ چلا ہے۔ اس سلسلے میں کوئی شکایت موصول نہیں ہوئی۔ انہوں نے کہا کہ یہ دو لوگوں کا باہمی معاملہ ہے، اگر کسی کو شکایت ہے تو پولیس تفتیش کر سکتی ہے۔