جانئے : کیا ہوتی ہے سرجیکل اسٹرائیک اور کس طرح اس کو دیا جاتا ہے انجام؟

نئی دہلی پٹھان کوٹ، پونچھ اور اوڑي میں دہشت گردانہ حملہ کرکے پاکستان نے جب صبر کا باندھ توڑ دیا تو مجبور ہو کر ہندوستان کو سرجیکل اسٹرائیک کا سہارا لینا پڑا۔ ہندوستانی فوج نے پاک مقبوضہ کشمیر میں داخل ہوکر دہشت گردوں کو ڈھیر کیا اور ان کے لانچ پیڈ کو نیست و نابود کر دیا۔

اس خطرناک آپریشن کو انجام دے کر ہمارے جوان محفوظ اپنی سرحد میں لوٹ بھی آئے۔ اس طرح کے آپریشن کو سرجیکل اسٹرائیک کہا جاتا ہے۔

سرجیکل اسٹرائیک یعنی دشمن کو اسی کے گھر میں گھس کر مار گرانا۔ ایسے حملے بڑے پیمانے پر نقصان پہنچانے کے لئے نہیں بلکہ محدود دائرے میں موجود دشمن کو مار گرانے کے لئے کئے جاتے ہیں۔

جس جگہ حملہ کرنا ہوتا ہے ، پہلے اس کی پوری معلومات حاصل کی جاتی ہے۔

پھر معلومات کے اعتبار سے حملے کی منصوبہ بندی کی جاتی ہے۔

سرجیکل اسٹرائیک کو انجام دینے کے لئے کمانڈو ز کا ایک دستہ تیار کیا جاتا ہے۔

پھر انتہائی خفیہ انداز میں کمانڈو دستے کو نشانہ تک پہنچایا جاتا ہے۔

کمانڈوز نشانہ پر پہنچنے کے بعد دشمن پر چوطرفہ حملہ کرتے ہیں ۔

سرجیکل اسٹرائیک کی خاص بات یہ ہوتی ہے کہ دشمن کو سنبھلنے کا موقع دئے بغیر ہی اس کو گھیر کرتباہ کر دیا جاتا ہے۔

حملے کو انجام دینے کے بعد کمانڈو جس تیزی سے گئے تھے ، اسی تیزی سے واپس لوٹ آتے ہیں۔

سرجیکل اسٹرائیک کے دوران اس بات کا خاص خیال رکھا جاتا ہے کہ ارد گرد رہنے والے لوگوں، عمارتوں اور گاڑیوں کو کوئی نقصان نہیں پہنچے۔

خیال رہے کہ اس سے قبل این ایس سی این کے دہشت گردوں نے 4 جون 2015 کو منی پور کے چندیل میں فوج کی ایک ٹکڑی پر حملہ کیا تھا، جس کے بعد بھی ہندوستانی فوج نے سرجیکل اسٹرائیک کئے تھے ۔

اس دہشت گردانہ حملے میں 18 جوان شہید ہوئے تھے۔

اس حملے کا بدلہ لینے کے لئے ہندوستانی جوانوں نے 10 جون 2015 کومیانمار کی سرحد میں گھس کر سرجیکل اسٹرئیک کو انجام دیا تھا۔

اس وقت فوج نے میانمار میں داخل ہوکر دہشت گردوں کے کیمپوں کو تباہ کیا تھا۔(سبھی تصاویر فائل فوٹو ہیں اور انڈین آرمی ڈاٹ این آئی سی ڈاٹ ان سے لی گئی ہیں) ۔